O Servizo Público de Emprego Estatal (SEPE) difundiu onte os datos oficiais de paro rexistrado correspondentes ao mes de febreiro de 2025.
Galicia
O mercado laboral galego acaba febreiro con 120.977 persoas, baixando
o paro rexistrado en relación co mes anterior en -343 persoas, un -0.28 %. É
a cifra máis baixa neste mes desde que hai serie histórica (1996).
Na comparativa interanual, o paro baixou en 9.606
persoas, un -7,36 %. de persoas desempregadas. En canto a citada comparativa
interanual e aos colectivos prioritarios, subliñar a redución do -7,35% na
cifra de mulleres desempregadas e do -4,17% na de persoas paradas menores de 30
anos, que é de 14.057 e ademais ambas son as máis baixas nun mes de febreiro
desde que hai rexistros (desde 2005).
Ademais, en relación a hai un ano, o paro cae nas
catro provincias, nas sete grandes cidades e en todos os sectores económicos,
liderando a caída o sector primario (-12,86%), seguido da construción
(-11,88%), da industria (-11,22%) e, por último, dos servizos (-6,78%).
Ourense
Medra o paro rexistrado en febreiro na provincia de
Ourense en relación co mes anterior en 22 persoas, un 0,15 %.
O número de parados queda en 14.411 deles 6.159 son
homes e 8.252 mulleres, 13.773 son maiores de 25 anos e 638 menores.
Por sectores, 684 son da agricultura, 1.475 da
industria, 910 da construción, 9.863 dos servizos e 1.479 do colectivo sen
emprego anterior.
A nivel interanual, isto é, con respecto a febreiro do
ano pasado, persoas sairon en Ourense 951
persoas das listas do paro, o que supón un descenso do desemprego do – 6,19%.
