O Servizo Público de Emprego Estatal (SEPE)
difunde hoxe os datos oficiais de paro rexistrado correspondentes ao mes de xaneiro
de 2025.
Galicia
O mercado laboral galego acaba xaneiro con 121.320 persoas, medrando
o paro rexistrado en relación co mes anterior en 2.482 persoas, un 2,09 %.
É a cifra máis baixa nun mes de xaneiro desde que hai rexistros (1996)
Na comparativa interanual, o paro baixou en 9.781 persoas, un -7,46 %. de persoas desempregadas. Neta comparativa o desemprego cae nas catro provincias galegas, nas sete grandes cidades e en todos os colectivos prioritarios nas políticas activas de emprego da Xunta como os menores de 30 anos, as mulleres e os parados de longa duración.
Así, a cifra de desempregados con menos de 30 anos
(13.909) é a de mulleres (70.083) son as máis baixas nun xaneiro de toda a
serie histórica (desde 2005). Canto ao dato de parados de longa duración
(59.604), cae un -7,04 % con respecto a hai un ano, mellorando o dato de
novembro de 2008.
Ourense
Medra o paro rexistrado en xaneiro na provincia de Ourense
en relación co mes anterior en 147 persoas, un 1,03% %.
O número de parados queda en 14.389 deles 6.180 son homes e
8.209 mulleres, 13.773 son maiores de 25 anos e 616 menores.
Por sectores, 693 son da agricultura, 1.474 da industria, 921
da construción, 9.842 dos servizos e 1.459 do colectivo sen emprego anterior.
A nivel interanual, isto é, con respecto a xaneiro do ano
pasado, 998 persoas sairon en Ourense das listas do paro, o que supón un
descenso do desemprego do – 6,49%.
