viernes, 3 de enero de 2025

En decembro o paro rexistrado baixou en Ourense un salientable - 4,68 % e en Galicia un -2.39 % , porcentaxes moi superiores á media estatal -0.98 %

 



Servizo Público de Emprego Estatal (SEPE) difunde hoxe os datos oficiais de paro rexistrado correspondentes ao mes de decembro de 2024.

Galicia

O mercado laboral galego acaba decembro con 118.838 persoasbaixando o paro rexistrado en relación co mes anterior en 2.904 persoas, un -2,39 %. É a  cifra máis baixa nun mes de decembro desde que hai rexistros (1996)

Na comparativa interanual, o paro baixou en 10.666 persoas, un -8,24 %. estede persoas desempregadas sitúanos  como a terceira Comunidade con maior porcentaxe de caída no último ano.

En relación coa comparativa interanual, o desemprego cae nas catro provincias galegas, nas sete grandes cidades e en todos os sectores de actividade, liderando a baixada a agricultura (-14,07%) seguida da construción (-12,63%).  

Tamén se reduce o paro nos colectivos prioritarios nas políticas activas de emprego da Xunta como os menores de 30 anos, as mulleres e os parados de longa duración. Así, a cifra de desempregados con menos de 30 anos (13.101) é a máis baixa nun decembro desde que hai rexistros e a de mulleres desempregadas (68.160), a máis baixa de toda a serie histórica (desde 2005). Canto ao dato de parados de longa duración (59.725), cae un -7,80% con respecto a hai un ano, mellorando o dato de decembro de 2008.

 Ourense 

Baixa o paro rexistrado en decembro na provincia de Ourense en relación co mes anterior en 699 persoas, un – 4,68 %. É o segundo maior descenso entre as provincias españolas, superando ampliamente la media estatal (-0,98%) e a de Galicia (-2,39%).

O número de parados queda en 14.242 deles 6.167 son homes e 8.075 mulleres, 13.626 son maiores de 25 anos e 616 menores.

Por sectores, 709 son da agricultura, 1.481 da industria, 886 da construción, 9.701 dos servizos e 1.465 do colectivo sen emprego anterior.

A nivel interanual, isto é, con respecto a decembro do ano pasado, 778 persoas sairon en Ourense das listas do paro, o que supón un descenso do desemprego do – 5,18 %.

Fonte : SEPE-Xunta