A Xunta remata a nova parada de autobús intermodal do Carballiño logo dun investimento de preto de 170.000 €

 

Celebro moito que a Consellería de Infraestruturas e Mobilidade veña de rematar as obras para a execución dunha parada de autobús intermodal do Carballiño, cun investimento de preto de 170.000 euros.

Lembro que nunha entrada deste Blog de data  5 dexullo de 2022 daba conta de que  esta Consellería tiña licitado por 144.505 euros as obras para a execución desta parada de autobús intermodal.

http://www.celsodelgado.gal/2022/07/a-conselleria-de-infraestruturas-e.html

Certamente resulta imprescindible que a segunda Vila en poboación da provincia conte cunha estación ferroviaria con servizos axeitados prestados por Renfe - o que non ocorre agora-  e  por iso resulta moi convinte que neste punto neuralxico coincidan con servizos de transporte por estrada, para acadar unha efectiva intermodalidade.i

Nesta nova XV Lexislatura imos os deputados ourensáns a preocuparnos máis polo incremento e mellora dos servizos ferroviarios entre O Carballiño e  as cidades de Ourense e Santiago.

http://www.celsodelgado.gal/2021/09/demandando-mejores-servicios-para-los.html

A nota de prensa dí: “Trátase dunha parada exclusiva para as liñas interurbanas de autobús de uso regular na parcela situada na explanada da estación de ferrocarril, localizada na avenida O Vinte e Cinco de Xullo, co fin de favorecer a intemodalidade entre os dous medios de transporte.

As obras consistiron na instalación dunha parada de autobuses, configurada como illa, entre a citada avenida, a dársena de aparcamento da estación ferroviaria e os accesos á mesma.

Na intervención incluíuse a incorporación dunha zona axardinada, mobiliario urbano e unha marquesiña a ambos os lados, xerando así dúas zonas de parada: a primeira en dirección de acceso á vila sobre a propia avenida; e a segunda, na marxe oposta do núcleo da parada para os autobuses que saen do municipio.

Esta actuación reforzará a comunicación entre a estación ferroviaria e o transporte interurbano por autobús no concello do Carballiño.

A intervención enmárcase nun convenio de colaboración polo que a Xunta achegou o financiamento e executou as obras, mentres o Concello do Carballiño puxo á disposición os terreos necesarios e asumirá agora o mantemento da infraestrutura.

A actuación é financiada no marco do Eixe REACT-UE do programa operativo FEDER Galicia 2014-2020 como parte da resposta da Unión Europea á pandemia de covid-19.”