Coa Igrexa Evanxélica Bonhome que conmemorou onte os cen anos da apertura en Ourense da primeira igrexa protestante

Onte cumpríronse cen anos da apertura en Ourense da primeira igrexa protestante.

Foron dous misioneiros protestantes ingleses Edmund Woodford e Arhut C. Chapell, os que chegaron a esta cidade  dedicándose á venda de biblias, evanxeos e outras publicacións de temática cristiá. En agosto de 1922, tras varios intentos errados lograron alugar un local para poder celebrar cultos e tras realizar os arranxos pertinentes, abrírona o 1 de outubro de 1922. 

Con tal motivo a Igrexa Evanxélica Bonhome organizou onte un roteiro, guiado por José Luis Fernández Carnicero, e no que se foi narrando a historia  da Comuinidad na cidade no século de vida.

Logo pola tarde a comunidade programou unha xornada de portas abertas na propia igrexa de Bonhome.  E alí fun para testemuñar a miña felicitación por estes cen anos e agradecer o seu servizo á sociedade ourensá desde as crenzas e doutrinas evanxélicas, con base na mensaxe do Evanxeo de Xesucristo e en todo o conxunto da Biblia.

Tiven ocasión de saudar a José Luis Fernández Díaz-Carniceiro, escritor, historiador e músico, que  documentou a historia da comunidade protestante en Ourense e a súa provincia e que coordinou os actos de celebración desta efeméride. 

Tamén a Jaime Fernández Garrido, director do programa evanxélico da TVG “Nacer de novo” e ao lexicógrafo e humanista Isaac Alonso Estraviz, que recentemente foi galardoado coa medalla de ouro da provincia de Ourense pola súa traxectoria comprometida coa defensa do idioma galego e da cultura galega.