Na conferencia Alto Minho 2030 - “Desafios da Cooperação Transfronteiriça"

 

Asisto hoxe na localidade lusa de Melgaço á conferencia “Desafios da Cooperação Transfronteiriça & Conetividade e Acessibilidade Territorial: Qual o posicionamento do território do Alto Minho?", que contou coa presencia do Ministro de Infraestruturas de Portugal, Pedro Nuno Santos, ademais do vicepresidente da Comissão de Coordenação e Desenvolvimento Regional do Norte (CCDR-Norte), Beraldino Pinto e do presidente do Consello Intermunicipal da CIM Alto Minho, Manoel Batista. No acto, que tivo lugar na Escola Superior de Desporto e Lazer  participaron concellos ourensáns a través da Deputación Provincial de Ourense, e autarcas das Cámaras do norte de Portugal e da raia seca. A delegación ourensán estivo integrada polo vicepresidente segundo da Deputación, César Fernández, o parlamentario autonómico José Antonio Armada, e eu mesmo.

Na súa intervención, o director xeral de Relacións Exteriores e coa Unión Europea, Jesús Gamallo explicou as novidades do novo POCTEP 2021-2027 cara unha Europa mais verde, intelixente, social e próxima aos cidadáns, valorando positivamente que neste novo período o enfoque fundamental do financiamento europeo é o do desenvolvemento rexional.

A dotación do novo POCTEP 21-27 increméntase case nun 11% respecto do período anterior, cunha intensidade maior no caso de España que é dun 13% en comparación con Portugal que corresponde a un 4,57%. Unha das principais apostas do POCTEP é a de impulsar o desenvolvemento de estratexias multisectoriais de desenvolvemento integrado e sustentable, como é a nova figura denominada ´´Área funcional´´, que buscará a solución de problemas poñendo en marcha unha estratexia de desenvolvemento territorial concreta. O director xeral anunciou que no caso de Galicia e o Norte de Portugal a Reserva da Biosfera Gerês- Xurés funcionará como área funcional piloto. Esta iniciativa complementaríase coa posibilidade da posta en marcha dunha nova AECT na Raia Seca.

Ao longo da conferencia valorouse a posibilidade de establecer unha nova estrutura de cooperación transfronteiriza na ´´raia seca´´, que puidera desembocar na creación dunha AECT, co fin de facilitar, axilizar e garantir a cooperación transfronteiriza de proximidade e a captación de recursos europeos. Esta nova AECT tería como base a Reserva da Biosfera Transfronteiriza Gerês- Xurés e permitiría completar toda a fronteira galaico-portuguesa cuberta por estruturas de cooperación transfronteiriza.

As vantaxes desta posible AECT na "raia seca" supoñerá unha economía de escala e unha maior representatividade e visibilidade do territorio, con maior posibilidade de captación de proxectos con co-financiamento comunitario. Esta nova AECT sería un paso máis na integración europea e como sinalou Jesús Gamallo ´´para a Xunta de Galicia a Cooperación de proximidade é unha prioridade onde temos que asegurarnos de que a fronteira non sexa un custo, senón unha oportunidade´´.

Na conferencia tamén analizouse a Estratexia de Desenvolvemento do Alto Minho ata 2030 como instrumento de planificación, na que se definen os obxectivos para este período, así como os medios para a utilización eficiente dos futuros fondos europeos.

No discurso de peche da conferencia, o ministro luso das Infraestruturas , Pedro Nuno Santos desafiou ao governo espanhol a “dar corda aos sapatos” para que a conexión ferroviária en alta velocidade, desde Lisboa ata Galicia chegue à fronteira entre os dois países “mais ou menos ao mesmo tempo”.

Co ministro Santos, César Fernández e José Armada

Aínda que afirmou que “teño quase a certeza que nós vamos chegar à fronteira primeiro, mas nós non queremos chegar primeiro á fronteira com um comboio que pode andar a 300 quilómetros / hora e parar ali. Valença gañará sempre porque ficará a 50 minutos do Porto e a pouco mais de duas horas de Lisboa”.

Dixo que “começaremos do Porto para sul, mas também queremos avançar na parte norte, entre Braga e Vigo (Galiza) e Braga e o Porto. Construiremos a ligação do Porto para sul, até Lisboa. A parte norte é mais difícil de Braga para o norte do que de Braga para o Porto. Por isso, começaremos nesse troço, mas obviamente o objetivo é fazer Porto, aeroporto Sá Carneiro, daí para Braga e de Braga até Vigo”, especificou.

Adiantou que, “se no passado, a obsessão era a ligação entre Lisboa e Madrid”, a “obsessão” deste Governo, “é ligar Lisboa ao Porto e o Porto a Vigo.

Engadiu “Isso é assunto absolutamente arrumado. É a nossa prioridade porque a região espanhola com quem temos maior relação económica, social e cultural é com a Galiza e, é para aí que temos de ir em primeiro lugar. Amanhã, se tivermos mais dinheiro, lá trataremos de fazer uma ligação até Madrid”.

Para Pedro Nuno Santos “não há qualquer hesitação porque a ferrovia é um meio de transporte de futuro, em que toda a Europa está a investir”.