Hai 25 anos, tres entidades con sede en Santiago de Compostela, Cogami, Faxpg e Fademga, decidiron unir as súas forzas e crear unha asociación que representase e promocionase os intereses dos centros especiais de emprego de iniciativa social, tamén coñecidos como sen ánimo de lucro.
Os centros especiais de emprego que conforman a asociación, contan cun 96% de persoas con discapacidade e os 32 centros de Cegasal, acadaron unha facturación conxunta alcanza os 75 millóns de euros, empregan a máis de 1.800 traballadores.
O evento de aniversario foi
presentado polo xornalista Terio Carrera.
A gala comezou co galardón na
categoría de Administración Autonómica, que este ano recaeu na Consellería de
Política Social, cuxa titular, Fabiola García, realizou unha aposta sen
precedentes pola economía social, destacando o volume de traballo encargado en
2021 aos centros especiais de emprego de iniciativa social. A conselleira recolleu este premio e contou coa presenza de todo o seu
equipo, claramente implicado en promover o emprego na discapacidade.
No apartado de
Administración Local, o premiado foi Concello de Lugo, que non é o primeiro
ano que goza desta distinción xa que, coa alcaldesa Lara Méndez á cabeza, o seu
compromiso coa integración laboral é firme desde hai anos e crece cada día.
O alcalde de
Carballo será o encargado de pechar o primeiro bloque de premiados. Evencio
Ferreiro, que xa recolleu o Premio Cegasal o ano pasado pola contribución
da súa Concello ao emprego da discapacidade, recibe neste 2022 un
galardón á súa traxectoria persoal, ao seu apoio aos que teñen máis difícil a
súa incorporación ao mundo laboral. Ferreiro é un exemplo de compromiso ao
longo de toda a súa traxectoria pública.
TVE-Galicia, La
Región e Joel Gómez, de La Voz de Galicia
Os Premios
Cegasal comezaron a entregarse fai cinco anos para recompensar aos xornalistas
que destacasen polo seu especial apoio ás persoas con discapacidade. O traballo
dos profesionais dos medios é fundamental para dar visibilidade, o que permite
normalizar o emprego inclusivo e poñer en valor as capacidades das persoas con
discapacidade. Este ano, os premios recaeron en TVE-Galicia polo traballo “
Enfermidade mental e emprego”, da xornalista Matilde Vázquez e o
reporteiro gráfico Carlos Purriños , e en Monchi Sánchez, Xefa da
Sección de Local do diario ourensán La Región, polo reportaxe “Jardines para
cultivar otra vida”, centrado nos traballadores de Aspamadis.
Ademais, o
xornalista Joel Gómez, de La Voz de Galicia, veu recoñecida a súa traxectoria
de case 30 anos informando neste xornal, a maior parte deste tempo desde
Santiago, sobre iniciativas de economía social. Gómez deu voz e visibilidade ao
longo deste tempo a numerosas persoas vinculadas ao mundo da discapacidade ou
do emprego inclusivo.
Homenaxe aos
conselleiros de Emprego dos últimos 25 anos
Na Gala Cegasal
tamén houbo tempo para botar a vista atrás. A asociación que preside José
Antonio Vázquez Freire é, hoxe en día, unha referencia a nivel nacional grazas,
en gran medida, á aposta que fixeron os distintos conselleiros de Emprego
da Xunta de Galicia por darlle o recoñecemento e a importancia necesaria.
Manuela López Besteiro, Ricardo Varela, Beatriz Mato, Francisco Conde e María
Jesús Lorenzana encarnan o pasado, presente e futuro dunhas políticas de
emprego que, desde o primeiro momento, tiveron moi en conta o labor que podería
desenvolver esta asociación. Elas e eles, que est¡veron presentes na gala, tiveron
a súa particular homenaxe.
Feijóo
resalta o compromiso coa discapacidade
Feijóo aseverou que estes fondos buscan percorrer todas as necesidades e circunstancias das persoas que presentan algún tipo de discapacidade. Así, para os máis pequenos precisou que se superará o medio centenar de unidades de atención temperá; e, para os que presentan un maior nivel de afectación, nos vindeiros meses poranse en marcha 280 novas prazas de atención á discapacidade, 110 delas en Ourense, no futuro Centro de Atención a Persoas con Discapacidade (CAPD).
Nesta mesma liña, salientou a posta en marcha do Plan Emprega discapacidade e exclusión social que, cun investimento de 46 millóns de euros, céntrase na intermediación laboral, a formación e o sostemento dos centros especiais de emprego. Ademais de recordar que a Administración autonómica incorporou ao seu cadro de persoal a 1.000 traballadores con discapacidade intelectual e que Galicia é unha das comunidades cunha maior taxa de integración nas mesmas aulas que os demais cativos.
Ao longo da súa intervención, Feijóo quixo destacar o esforzo de todos os premiados e a súa contribución para desmentir moitos dos prexuízos que aínda pesan: “Detrás de cada un das 3.550 persoas que traballan nun centro especial de emprego, tres veces máis que en 2009, existe unha dobre historia: eles demostran que as súas capacidades desbordan con moito ás súas discapacidades; e o resto dos galegos superamos os prexuízos que aínda seguen pesando sobre as persoas con discapacidade”, precisou.
O presidente da Xunta concluíu enxalzando o labor dos centros especiais de emprego, “xa que o emprego -aseverou-, é o mellor camiño para acadar a plena inclusión social”.
