domingo, 4 de octubre de 2020

Sobre a Extensión de Banda Ancha de Nova Xeración

O pasado día 29 de setembro o Ministerio de Asuntos Económicos e Transformación Dixital publicou a resolución provisional da convocatoria do ano 2020 do Programa de Extensión de Banda Ancha de Nova Xeración (PEBA-NGA), pola que se beneficiarán de cobertura 653.157 fogares e empresas ata o de agora sen acceso a esta tecnoloxía. Este programa, xestionado pola Secretaría de Estado de Telecomunicacións e Infraestruturas Dixitais, está cofinanciado polo Fondo Europeo de Desenvolvemento Rexional (FEDER).

Despois de avaliar as 108 propostas recibidas, propúxose a concesión de axudas a 33 proxectos, dirixidos a 33 das 45 provincias inicialmente previstas: Cádiz, Córdoba, Huelva, Sevilla, Asturias, As Palmas, Cantabria, Ávila, Burgos, León, Palencia, Salamanca, Segovia, Soria, Valladolid, Zamora, Albacete, Ciudad Real, Conca, Guadalaxara, Toledo, Girona, Lleida, Tarragona, Castelló, Valencia, Badajoz, A Coruña, Lugo, Ourense, Pontevedra, Navarra e A Rioxa.

En Ourense o proxecto incluído na resolución provisional, destínase para a cobertura de fibra óptica ata o fogar (FTTH)  ten un orzamento financiádelle de 2.330.455 €, e a contía da axuda ascende a 1.864.364 €. O beneficiario é  Telefonica de España S.A.

Está a traballarse nunha próxima convocatoria parcial para desenvolver proxectos de extensión de banda ancha nas provincias nas que non se presentaron propostas que cumprisen os requisitos establecidos.

Os proxectos aprobados a diferentes operadores supoñen un investimento total de 186 millóns de euros con axudas por importe de 105,77 millóns de euros.

As axudas outórganse para a extensión de redes de comunicacións electrónicas de banda ancha ultra rápidas nas denominadas zonas brancas: aquelas sen cobertura actual e que non teñen previsións de despregamento no próximos tres anos. Ademais, este ano, como novidade, puidéronse incluír tamén axudas para as zonas grises, aquelas onde hai presenza dun só operador que pode proporcionar servizos a velocidades de máis de 30  Mbps, pero sen superar os 100  Mbps, para as que o Goberno obtivo a aprobación da Comisión Europea.

A extensión da banda ancha ao 100% da poboación cunha velocidade de polo menos 100  Mbps é un compromiso do Goberno recolleito na estratexia España Dixital 2025. Co fin de alcanzar este obxectivo, o Goberno está a elaborar un “Plan para a Conectividade de persoas, empresas e territorios” que sirva para estender a banda ancha ás zonas rurais máis dispersas e contribúa tamén a pechar a fenda dixital territorial, facer fronte ao reto demográfico e construír unha sociedade e economía máis inclusiva e sostible.