Rexeitamos a incautación polo Goberno central dos aforros das entidades locais

Hai dous días máis dun cento de alcaldes e portavoces do PP de toda Galicia concentráronse, diante do Concello de Vigo, en contra da decisión do Goberno central de incautar os fondos dos concellos galegos; unha decisión que tivo ao alcalde desta cidade e presidente da FEMP, Abel Caballero, como “cooperador necesario”. “En lugar de ser amigo dos concellos, converteuse nun inimigo; e en vez de ser reivindicativo foi submiso”, afeou naquel día Manuel Baltar, presidente provincial e da Deputación de Ourense.

Neste punto, cualificou de inaceptable e inxustificado un acordo “entre aspas”, xa que, tal e como indicou, só contou cos votos a favor dos rexedores socialistas presentes na Xunta de Goberno da FEMP: “Rompeuse por primeira vez o consenso histórico”. Para Baltar, trátase dunha imposición do Executivo de Pedro Sánchez que ignora a autonomía municipal: “Os aforros das entidades locais deben investirse no territorio que foi quen de xeralos e non que os incaute, confisque e expropie un Goberno que está atentando contra a autonomía municipal e o municipalismo”.

Asemade, afeou que o acordo ignore aos concellos do ámbito rural e que non contemple nin un só euro para aqueles que non teñen remanente e os que teñen débeda.

A INCAUTACIÓN DOS AFORROS DOS CONCELLOS

Desde o Partido Popular, rexeitamos un acordo que paralizará tanto proxectos municipais como provinciais.

Defenderemos os intereses dos veciños e non imos aceptar que se cambie o interese do municipalismo da noite para a mañá a cambio dun interese partidista.

Reclamaremos o uso dos remanentes, xa que a boa xestión dos concellos non pode ser incautada polo Goberno central. E non vamos a permitir que os aforros dos veciños sirvan para cadrar as contas de Pedro Sánchez pola súa nefasta xestión. 

E temos a intención de presentar un recurso ante o Tribunal Constitucional e mocións en todas as entidades locais contra “un furto” que crea concellos de primeira e segunda.