Así se expresaba
nun mitin en Pontevedra acompañado por Pablo Casado e Mariano Rajoy, aos que
lle agradeceu o seu compromiso con Galicia, o seu apoio incondicional e as súas
gañas de sumar. E admitiu que non cre que a Comunidade teña por que estar
condenada á fragmentación política de bloques que hai no resto de España.
Feijóo aclarou
que por diante de todo está a protección da saúde dos cidadáns e por iso
colaborou e colaborará en todo o posible co Goberno de España, por mal goberno
que lle pareza. Do mesmo xeito, dixo que por diante tamén está a recuperación
económica do emprego, o apoio ás persoas que máis o necesitan neste momento e a
unidade de todos os españois.
UN PARTIDO DE ESTADO
Durante a súa
intervención, o líder dos populares galegos apuntou que o PP e un partido de
Estado. "Queremos o mellor para España e desde Galicia traballaremos tamén
para que a España lle vaia mellor", salientou.
Como lembrou, a
súa formación foi fundamental como goberno na recuperación das dúas grandes
crises, recoñecendo que, desde as Comunidades Autónomas e desde a oposición, os
populares vanse volcar tamén para que o país recupere a súa posición, o
emprego, o benestar e o futuro.
Neste punto,
referiuse aos millóns de empregos que están en risco pola pandemia, as
incertezas do futuro ou pola falta de política económica nacional. Así,
lamentou que o Goberno central se negue a darlle unha solución ás familias de
Alcoa, As Pontes ou Ence.
GALICIA PLENAMENTE
Pola contra,
resaltou que isto non se conseguirá se nos dividimos e nos enfrontamos entre
nós, se os intereses minoritarios queren impoñerse sobre o interese xeral, se hai
descoordinación e improvisación á hora de facer as cousas e se nos queremos
separar do que tamén somos, España.
“Nós
presentámonos cun programa electoral para que Galicia sexa Galicia plenamente”,
aseverou indicando que, neste contexto de tantas inquedanzas, os populares
aportan confianza, xestión e certezas que poden desenvolver desde o primeiro
día para que a nosa Autonomía chegue canto antes á fase de normalidade
económica, laboral e social que todos precisamos. “Temos un programa, un equipo
unido e sólido, e temos experiencia nos momentos de dificultade”, salientou.
UNIRSE NAS URNAS
O presidente
propuxo que os galegos se volvan unir e enchan as urnas votando, esa gran
maioría que “prefire o entendemento ao enfrontamento, a planificación á
improvisación, a moderación ás posicións extremas, a estabilidade á
desconfianza” e a que cre nas posibilidades de Galicia para volver superarse.
Nese senso,
avogou por non dar nada por feito e non quedar na casa o 12 de xullo, pedindo o
voto pola vitoria, pero non para que sexa a dun partido sobre outros, senón que
para que sexa un primeiro paso necesario para a recuperación.
PABLO CASADO
Pola súa parte Pablo Casado reivindicou ao PP como un partido con “experiencia de goberno” que, sendo oposición, alcanzou un pacto de Estado para “sacar as pensións da confrontación partidista.
Reiterou que o PP tende a man a un pacto de Estado en materia sanitaria, de investigación, de industria e de coidado dos maiores. Afirmou que o PP apoiou o decreto “insuficiente” da chamada nova normalidade “para mandar unha mensaxe de unidade e de responsabilidade”.
Reivindicou o “legado de Mariano Rajoy” que xerou 3 millóns de empregos cunha reforma laboral que tamén permitiu regular os Erte e que aprobou unha lei de seguridade cidadá para protexer ás FCSE, que agora utilizaron para sancionar a 1,3 millóns de españois.
Asegurou que o PP está a apoiar a España na UE, tanto co plan de recuperación como coas candidaturas para ocupar postos de relevancia, ao contrario do que fixo o PSOE, que non apoiou a Miguel Arias e Luís de Guindos, e pediu a dimisión de Loyola de Palacio como comisaria europea.
“Non pido que nolo agradezan ou aplaudan pero polo menos que non terxiversen nin manipulen”, reclamou.
Definiu a Alberto Núñez Feijóo como “o presidente dos galegos” e a persoa que máis protexeu esta terra.
Asegurou que o candidato do PP “é a mellor garantía de futuro para esta terra e pelexou o benestar de cada galego”.
Sinalou que o PP de Galicia sempre augurou bos tempos para o PP no resto de España
PABLO CASADO
Pola súa parte Pablo Casado reivindicou ao PP como un partido con “experiencia de goberno” que, sendo oposición, alcanzou un pacto de Estado para “sacar as pensións da confrontación partidista.
Reiterou que o PP tende a man a un pacto de Estado en materia sanitaria, de investigación, de industria e de coidado dos maiores. Afirmou que o PP apoiou o decreto “insuficiente” da chamada nova normalidade “para mandar unha mensaxe de unidade e de responsabilidade”.
Reivindicou o “legado de Mariano Rajoy” que xerou 3 millóns de empregos cunha reforma laboral que tamén permitiu regular os Erte e que aprobou unha lei de seguridade cidadá para protexer ás FCSE, que agora utilizaron para sancionar a 1,3 millóns de españois.
Asegurou que o PP está a apoiar a España na UE, tanto co plan de recuperación como coas candidaturas para ocupar postos de relevancia, ao contrario do que fixo o PSOE, que non apoiou a Miguel Arias e Luís de Guindos, e pediu a dimisión de Loyola de Palacio como comisaria europea.
“Non pido que nolo agradezan ou aplaudan pero polo menos que non terxiversen nin manipulen”, reclamou.
Definiu a Alberto Núñez Feijóo como “o presidente dos galegos” e a persoa que máis protexeu esta terra.
Asegurou que o candidato do PP “é a mellor garantía de futuro para esta terra e pelexou o benestar de cada galego”.
Sinalou que o PP de Galicia sempre augurou bos tempos para o PP no resto de España
