Os deputados populares ourensáns reclamamos no Congreso que se autorice a volta á actividade das pulpeiras

Os representantes populares no Congreso dos Deputados por Ourense, Ana Vázquez e Celso Delgado, entendemos que a nova fase de  desescalada que agora se inicia debería ter tamén en conta a un sector de gran tradición na provincia como son as  pulpeiras, excluídas do retorno á actividade dos negocios dedicados á restauración e hostalería.

Por esta razón rexistramos onte na Cámara baixa unha pregunta dirixida ao Goberno na que pedimos que aclare se ten previsto autorizar a instalación dos postos de venda de polbo na provincia.

Nesta interpelación ao executivo, sinalamos que as  pulpeiras, do mesmo xeito que outros moitos pequenos negocios, levan dous meses de inactividade, situación que está a provocar graves problemas económicos a un sector do que viven preto dun centenar de familias só na provincia de Ourense.

E, subliñamos, cando se fala de familias debe entenderse a todos os membros, pois son numerosos os casos nos que todos os integrantes dun mesmo núcleo familiar dedícanse á venda de polbo.

Tendo en conta que desde o pasado 4 de maio abriron de novo as súas portas os servizos de restauración para levar comida a domicilio, os deputados ourensáns entendemos que tamén debería incluírse ás pulpeiras nesta  desescalada, permitindo o seu regreso á rúas da capital, vilas e pobos da provincia, adoptando as medidas hixiénicas, sanitarias e de seguridade necesarias para preservar a saúde dos clientes e traballadores.

https://www.farodevigo.es/portada-ourense/2020/05/10/diputados-pp-defienden-vuelta-pulpeiros/2286146.html