Restablécense no Congreso as sesións de control e volven a computarse os prazos regulamentarios

Por outra banda, a Xunta de Portavoces, reunida tamén na tarde de onte despois da Mesa do Congreso, acordou que a partir da próxima semana volvan a celebrarse as sesións de control ao Goberno. 

Debo felicitar a  Cayetana  Alvarez de Toledo, portavoz do noso Grupo Parlamentario e a todos  os demócratas que queriamos a apertura do Parlamento.

Foi unha vitoria da presión democrática do Partido Popular en defensa dos dereitos democráticos de todos.  A Presidencia do Congreso rectificou sobre o peche do Congreso da mesma forma que A Moncloa tivo que rectificar respecto a a censura dos medios de comunicación, respecto a esas roldas de prensa prefabricadas,  enlatadas. 


Partiamos de dúas premisas básicas: que os deputados somos parte do servizo esencial que ten que estar en funcionamento permanentemente para que a Democracia estea en funcionamento. E que os deputados non somos de mellor condición que tantas persoas que están a loitar  durísimamente en primeira liña contra o Coronavirus: médicos, enfermeiras, caixeiras en supermercados, policías e gardas civís. Todos os que  heroicamente están a loitar en primeira liña teñen que ter por parte dos seus representantes o mesmo compromiso e a mesma responsabilidade. Iso significaba manter o Congreso aberto, o Parlamento funcionando e nós activamente estar tamén no noso lugar de traballo.

Tamén se aprobou, por parte da Mesa, que a partir do luns, 13 de abril, volverán computarse os prazos regulamentarios que afectan as iniciativas en tramitación, e que quedaran suspendidos por acordo deste órgano desde o día de entrada en vigor do estado de alarma pola crise sanitaria. 


Comparecencias e outros acordos 

Por fin onte, a Mesa admitiu a trámite a peticións de comparecencia do presidente do Goberno, Pedro Sánchez, ante o Pleno da Cámara para informar sobre a última reunión do Consello Europeo, celebrado o pasado 17 de marzo; e para dar conta das medidas adoptadas ante a emerxencia sanitaria do  Covid-19, ambas as a proposta do Grupo Popular. 

Tamén comparecerán en comisión para informar sobre as actuacións fronte ao  Covid-19 a ministra de Facenda, María Jesús Montero, a proposta do Grupo Popular; a ministra de Traballo e Economía Social, Yolanda Díaz; a ministra de Industria, Comercio e Turismo, Reyes  Maroto; o ministro de Inclusión, Seguridade Social e Migracións, José Luis  Escrivá; e o ministro de Interior, Fernando Grande  Marlaska, a pedimento do Grupo Republicano. Este mesmo grupo solicitou que o responsable de Interior informe sobre a actuación das Forzas Armadas nesta crise e sobre a situación dos presos e dos internados nos  CIE.

Así mesmo, admitiuse a trámite a proposta de reforma do Regulamento do Congreso dos Deputados presentada polo Grupo Parlamentario Confederal de Unidas Podemos-En  Comù  Podem-Galicia en Común para habilitar a actividade parlamentaria por medios telemáticos de maneira temporal e en situacións extraordinarias como a emerxencia sanitaria do  Covid-19.

Con la tecnología de Blogger.