Aínda que nestes momentos pola situación de estado de alarma que vivimos a actividade parlamentaria de control atópase moi afectada, continuamos os deputados recibindo algunhas respostas do Goberno ás nosas preguntas parlamentarias.
Así este martes 17, días recibiamos os deputados lucenses do PP, Jaime De Olano e Joaquín García Díez e os ourensáns Ana Belén Vázquez e Celso Delgado, cinco respostas a preguntas conxuntas que realizaramos a finais de xaneiro deste ano sobre a evolución de diferentes actuacións e proxectos de ADIF para a mellora da liña ferroviaria entre Lugo e Ourense, que considerabamos necesario activar para facilitar á súa vez as conexións coa nova LAV entre Ourense e Madrid.
Son as seguintes:
Sobre a situación do proxecto do novo túnel de Oural, a resposta do Goberno é “que o proxecto se atopa redactado e aprobado tecnicamente en fase de autorización da licitación”.
Sobre os proxectos de tratamento de elementos da infraestrutura como pontes, túneles e explanaciones nese traxecto, a resposta é: “todos os proxectos atópanse xa redactados, estando algúns en fase de supervisión para a súa aprobación técnica, outros pendentes de autorización de licitación de obra, un xa en licitación e outro, de reparación de 11 desmontes entre os PP. KK. 34/750 e 43/220 da liña Monforte- Ourense, en execución desde decembro de 2019”
Sobre os proxectos de actuación en plataformas e gálibos, concretamente ampliación de gálibo en pasos superiores, tratamento de plataformas e cruces entre plataformas e cerramento da liña, a resposta é: “En relación co asunto interesado, sinálase que os proxectos se atopan en supervisión para a súa aprobación técnica, excepto os de ampliación de gálibo en pasos superiores e o de cerramento de liña, que xa están aprobados. O primeiro deles está en proceso de autorización para a licitación da obra.”
Sobre os proxectos de electrificación para dotar de enerxía á vía férrea entre Monforte e Lugo, a resposta é: “En relación co asunto interesado, sinálase que a obra de electrificación entre Ourense e Monforte de Lemos atópase en licitación, mentres que a do tramo entre Monforte de Lemos e Lugo está en proceso de autorización para a súa licitación.”
E finalmente sobre a situación dos proxectos de reparación das 23 pontes situados entre os PP. KK 000+640 e 044+637 da liña 810 entre Monforte e Ourense, a resposta é: “que a obra se atopa en execución desde outubro de 2019.”
Seguiremos moi pendentes da evolución destas tan necesarias obras para mellorar a conexión ferroviaria interior de Galicia e sobre todo achegar as prestacións da alta velocidade aos lucenses.
https://www.lavozdegalicia.es/noticia/ourense/ourense/2020/03/22/gobierno-asegura-mejoras-linea-tren-ourense-lugo-marcha/0003_202003O22C5992.htm
https://www.lavozdegalicia.es/noticia/ourense/ourense/2020/03/22/gobierno-asegura-mejoras-linea-tren-ourense-lugo-marcha/0003_202003O22C5992.htm
