No primeiro número de "Nós Diario" opinando sobre os asuntos chave para Galicia que dependen das decisión do Congreso


Hoxe 2 de xaneiro de 2020 foi a data de saída do xornal en galego "Nós Diario", tanto en papel como en formato dixital.
Informan os editores que actualizarase os 365 días do ano en www.nosdiario.gal e publicarase de terzas feiras a sábados en papel. 

As 32 páxinas a cor estrutúranse nas seccións Galiza, Economía e Traballo, Internacional, Opinión e Cultura e Axenda. Ademais, os sábados acompaña o diario o seu suplemento semanal, Sermos Galiza, que toma o nome da publicación nada en 2012.

Neste primeiro número, que comprei nun kiosko de Ourense, a xornalista, Ana G. Liste, eleborou unha información que titula Galiza ten todo por facer en Madrid” e subtitula As grandes infraestruturas, as deficiencias nas comunicacións, a continuidade das electrointensivas, a transición enerxética e o autogoberno son os principais asuntos pendentes da Galiza no Congreso das Deputadas

https://www.nosdiario.gal/articulo/politica/galiza-ten-todo-facer-madrid/20200101175650089047.html

Nel recolle os testemuños de catro dos 23 deputados galegos: Pablo Arangüena (PSdeG-PSOE), Antón Gómez-Reino (GC), Néstor Rego (BNG) e Celso Delgado (PPdeG) sobre os asuntos chave para o país que dependen das decisión do Congreso. 

Dí a información que “Todos os partidos coinciden en que é "urxente" ter un Goberno con plenas funcións no Estado para aprobar un estatuto para as industrias electrointensivas que permita a súa continuidade na Galiza. "Máis de 5.000 postos de traballo directos na Mariña, en Ferrolterra, na Coruña e na Costa da Morte dependen disto", explica o deputado do Bloque Nacionalista Galego no Congreso, Néstor Rego.
Coa vista posta tamén nunha "transición enerxética" que traia consigo unha "alternativa" para As Pontes e Meirama, as grandes infraestruturas centran os discursos, co AVE a Madrid como protagonista. 

Para o deputado do PP Celso Delgado hai un compromiso "incumprido" e Fomento "non dá información", pese a que, nas súas palabras, "Galiza precisa as máximas capacidades de comunicación de cara ao grande acontecemento de 2021: o Xacobeo". Mentres, o socialista Pablo Arangüena asegura que "o Goberno está a facer o máximo esforzo".
Tamén recolle opinións sobre a situación do corredor atlántico, a AP-9 e as autovías. Tamén sobre o galego, o reto demográfico, o autogoberno e os orzamentos xerais do Estado.

Os meus mellores desexos para este diario feito íntegramente en galego e que di pretender a facer xornalismo crítico e indepedente "en base a unha ollada construtiva cara á realidade galega para contribuír a que o pobo galego conforme a súa opinión sobre información obxectiva e contrastada"

Si desexa facer algún comentario poder enviar un correo celso.delgado@congreso.es

Recibirá resposta

Con la tecnología de Blogger.