O pasado
12 de xuño publicaba unha entrada neste blog na que falaba da Autovía A-56
que unirá Ourense con Guntín e desde aquí terá continuidade ata Lugo a
través da A-54 (Autovía Santiago-Lugo).Pois ben, case catro meses despois da anterior data viaxei onte ata o concello de Carballedo e visitei as obras do tramo Sanmartiño- A Barrela en dous puntos:
Primeiro na localidade da Barrela, onde puiden ver o avance das obras coa
construción dun paso elevado sobre a autovía, a traza en dirección Lugo e as
obras do enlace con desvíos provisionais. Actuacións claramente avanzadas sobre
a visita de xuño.
E logo no punto onde se constrúe o viaduto que salva o
río Bubal, vin como xa están levantadas as pilas, os
taboleiros e continuaban os traballos nel. Tamén vin claros avances na traza.
Estas fotografías ilustran o que vin e seguro que os técnicos na materia
saberán describir moito mellor o que eu, un profano na materia, acaba de facer.
Lembro agora
que o 28 de maio de 2019 preguntaba ao
Goberno:
¿Cal é o grao de execución das obras do tramo Sanmartiño- A
Barrela da Autovía A-56? e “que, data do
ano 2019 manexa o Ministerio de fomento para por en servizo o tramo
de 9,8 Km de lonxitude da Autovía A-56 entre Sanmartiño-
A Barrela?
E o 3 de xullo e 2019 o Goberno respostaba que estaba “executado o 67,71 %” das obras.
E o 3 de xullo e 2019 o Goberno respostaba que estaba “executado o 67,71 %” das obras.
Máis o pasado 23 de setembro con ocasión do inicio das obras da estrada de
conexión da N-536 coa N-120, en O Barco de Valdeorras, o Delegado do Goberno na
sua intervención volveu a dar a mesma porcentaxe de execución do tramo do que
falamos da A-56. Dato que pareceume sorprendente xa que daba a entender que as
obras non habían evolucionado desde xullo.
Certamente, despois
da miña visita, a miña impresión é que estas obras avanzaron pero que aínda
quedan meses para rematar a obra e posibilitar a súa posta en servizo.
Seguirei pendente
desta “eterna” obra, tan importante para o desevolvemento do interior das provincias de Ourense e Lugo.
