En termos interanuais, o
Sistema suma de media 460.739 afiliados, o 2,44%. O Réxime Xeral, cun mellor
comportamento, conta con 448.165 afiliados máis que hai un ano, cifra que
representa un incremento do 2,88%.
Con respecto ao mes de
agosto, o Sistema sumou 3.224 persoas ocupadas (0,02%) o que supón a menor cifra de creación de emprego desde 2013
En termos desestacionalizados -sen o compoñente
estacional- a media de persoas afiliadas alcanza os 19.334.474, tras aumentar
460.980 en termos interanuais e 32.810 no mes.
Crecemento interanual
Como xa se apuntou, en
comparación co ano pasado, o Sistema gañou 460.739 ocupados, o que supón un
2,44% máis. Destaca o bo comportamento do Réxime Xeral, con 448.165
traballadores máis (2,88%). O crecemento alcanza o 3,24% (466.593 afiliados
máis) se falamos do Réxime Xeral sen ter en conta os sistemas especiais Agrario
e do Hogar.
No Réxime Especial de
Traballadores Autónomos, a taxa interanual aumentou un 0,39%, o que se traduce
nun crecemento de 12.588 persoas.
O Réxime do Mar creceu un
1,19% (803 persoas) e o Carbón contabilizou un descenso de 818 ocupados
(-37,72%).
En termos interanuais, a
afiliación aumentou en todas as comunidades autónomas. Destacan, en cifras
absolutas, os incrementos de Madrid (97.332), Andalucía (89.932), Cataluña
(74.765) e Comunidade Valenciana (50.326).
Evolución intermensual
En termos intermensuales, o Sistema sumou 3.224 persoas
traballadoras afiliadas (un 0,02% máis). O Réxime Xeral sumou 139 persoas
afiliadas, cun total de 15.987.768 ocupados. En setembro, a afiliación creceu
en termos absolutos en Educación
(45.521); Actividades Administrativas e Servizos Auxiliares (21.681) e
Industria Manufactureira (11.888), mentres que diminuíu en Hostalería
(-44.346); Comercio, reaparación de
vehículos de motor e motocicletas (-34.330); Administración Pública e Defensa,
Seguridade Social Obrigatoria (-14.812); Actividades Sanitarias e Servizos
Sociais (-14.076).
En canto ao Sistema
Especial Agrario, finalizou o mes con 26.285 afiliados medios máis (3,74%),
situándose agora en 729.935 persoas. Pola súa banda, o Sistema Especial do
Empregados do Hogar descendeu en 2.349 (-0,59) e agora alcanza os 395.704
ocupados.
O Réxime de Autónomos conta
con 3.266.258 persoas, tras sumar 4.707 (-0,14%) no último mes.
O Réxime Especial do Mar
descende en 1.621 persoas afiliadas (-2,33%) ata situarse en 68.075.
Finalmente, o Réxime Especial do Carbón non varía; conta con 1.350 afiliados
medios.
Por comunidades autónomas,
o maior incremento no número de afiliados rexistrouse en Madrid, con 40.197
afiliados máis (1,26%); Canarias, 8.885 (1,10%), Castela-A Mancha, 7.308
(1,03%); País Vasco, 5.018 (0,52%) e Cataluña, 4.483 (0,13%). Os maiores
descensos prodúcense en Cantabria (-2,58%), Baleares (-2,42%), Asturias
(-1,73%) e Estremadura (-1,06%).
En Galicia os datos de afiliación en media
revelan que hai 1.029.548 ocupados, tras baixar en 7.353 afiliados
medios (-0,71 %) no último mes de setembro.
En termos interanuais, o sistema suma 15.660 (1,54%) afiliados máis.
O Réxime Xeral conta con 797.615 persoas, o de Autónomos con 210.489 persoas e o Réxime Especial do Mar ocupa a 21.444 persoas.
En Ourense os datos de afiliación en media acreditan que hai 104.568 ocupados, tras baixar en 87 afiliados medios (-0,08 %) no último mes de setembro. En termos interanuais, o sistema suma 871 afiliados, o 0,84 %.
O
Réxime Xeral conta con 80.889 persoas e o de Autónomos con 23.679 persoas.
