miércoles, 11 de septiembre de 2019

Feijóo remite hoxe ao presidente en funcións, Pedro Sánchez unha proposta de Real Decreto lei que habilitaría ao Executivo a ingresar os recursos que debe ás comunidades

Hoxe tivo lugar a sesión de control do Parlamento de Galicia na que o presidente da Xunta respondeu as preguntas dos Grupos.
Nel, e co obxectivo de acurtar prazos e de que non haxa máis escusas, Alberto Núñez Feijóo, anunciou que, hoxe mesmo, remitirá ao presidente do Goberno central en funcións, unha proposta de Real Decreto-lei, validada polos servizos xurídicos da Administración autonómica, que habilitaría ao Executivo de España a ingresar os recursos que debe ás comunidades.
“Remitirei ao presidente do Goberno unha carta pedíndolle, en primeiro lugar, que reconsidere ese bloqueo descabellado á sanidade, aos servizos sociais, á dependencia e á educación de todas ás comunidades autónomas”, sentenciou, precisando que xunto ao texto incluirase un informe dos letrados da Xunta e unha proposta de Real Decreto-lei para que se aprobe a próxima semana no Congreso dos Deputados, co fin de que Galicia poida recibir “os 700 millóns que os galegos pagamos nos impostos desde xaneiro”.
O Real Decreto-lei, que entraría en vigor o mesmo día da súa publicación no BOE, precisa no seu artigo primeiro a concesión polo Ministerio de Facenda de anticipos de tesourería a conta da liquidación definitiva dos tributos cedidos, do Fondo de Garantía de servizos públicos fundamentais e do Fondo de suficiencia. 
E terán a consideración de recursos non financeiros das comunidades autónomas e serán cancelados no momento en que se practique a liquidación definitiva do sistema de financiamento correspondente ao exercicio respecto do que se concederon.
“Que nos paguen o que nos deben xa”, sentenciou o titular da Xunta, lembrando que esta é unha demanda unánime dos presidente autonómicos.
Ao longo da súa intervención, Feijóo asegurou que, “ao contrario do que fai o señor Sánchez que, nin goberna nin plantexa unha política centrada”, o goberno que preside seguirá traballando e garantindo a estabilidade en Galicia para deseñar a Galicia de 2030.
“A pesar da inestabilidade do Partido socialista e da inestabilidade que o PSOE está a inxectar á facenda pública autonómica, no que queda de lexislatura, ademais de gobernar e de cumprir, imos empregar a estabilidade da Comunidade para facer outra cousa máis que é deseñar a Galicia de 2030”, garantiu.
Parabéns ao presidente Feijóo por esta iniciativa.