Vázquez Mourelle concretou que xa se dispón do proxecto de trazado para
esta infraestrutura viaria co fin de poder comezar o procedemento de
información pública e continuar logo coa tramitación necesaria.
Tamén foi obxecto da reunión a inclusión do noroeste español no Corredor
Atlántico ferroviario, ratificada recentemente polas institucións europeas
grazas á alianza e á unión dos axentes institucionais, sociais e empresariais
de Galicia, Asturias e Castela e León.
A titular de Infraestruturas fixo fincapé en que é fundamental que o
Goberno estatal elabore proxectos de calidade que dean acceso aos fondos
europeos e permitan ser máis competitivos no eido industrial e loxístico.
Recordou que o Ministerio vén de confirmar que ten aínda sen elaborar o
plan director do corredor e apelou á seriedade para presentar proxectos
concretos, completos e de calidade para impulsar no noroeste unha rede
ferroviaria altamente competitiva.
A alta velocidade ferroviaria tamén se avaliou no encontro, reiterando a
conselleira que o Ministerio de Fomento debe cumprir o calendario para a finalización
das obras do AVE en 2019, algo irrenunciable para Galicia.
Engadiu que é preciso que o Goberno central siga avanzando na solución
definitiva para a entrada da alta velocidade na cidade, axilizando a
tramitación necesaria para que a variante exterior de Ourense poida estar en
obras á maior brevidade.
Nesta reunión na que asistín tiven a oportunidade de informar sobre a situación
dos proxectos das infraestruturas do Estado prioritarias para a provincia.
En primeiro lugar dá autovía A-76
entre Ourense e Ponferrada. Dixen que neste mes de marzo foi publicada no BOE o
expediente de información pública e o proxecto de trazado e que procede
continuar coa redacción do proxecto de construción, para poder pasar logo á
licitación.
Sobre o tramo ourensán entre O Barco de Valdeorras e A Veiga
de Cascallá, de 8,4 Km informei que a
pesar de que o compromiso era que o proxecto fose aprobado en 2018, o certo é
que parece que se vai a someter en 2019 a información pública o proxecto
de trazado dunha ligazón modificada
coa N-120 e de acceso a Biobra. Agardemos que sexa posible a
licitación en 2019.
Falei tamén da autovía A-56 entre Ourense e Lugo que só ten en execución
obras entre Sanmartiño e A Barrela, que
deben finalizar neste ano e que é imprescindible impulsar os dous tramos que
teñen a maior intensidade de tráfico.
Un deles a chamada Variante Norte que é o treito
entre Eirasvedras e Quintela que agora está pendente de rematar unha auditoría
de seguridade vial, paso previo á
licitación das obras en 2019. Lembrei que no proxecto de PGE para 2019 non figuraba consignación alguna,
cando no pasado ano tiña unha partida de 2,50 millóns de euros.
Falei da necesidade de impulsar tamén o outro tramo da Variante Norte, o
que vai desde Quintela á Casilla (co proxecto de construción en redacción e o
tramo que vai desde Ourense a Cambeo
onde os tráficos chegan aos 10.000 vehículos diarios.
Foi do maior interese escoitar as peticións dos empresarios ourensáns, representados pola CEO e as asociacións do polígono de San Cibrao, Valdeorras e Vilamarín, ademais do presidente dos construtores, en orde a avanzar na tramitación e execución dos grandes retos pendentes na provincia, tanto os que son competencia da Xunta como da Administración Central.
Entre as reivindicacións trasladadas figuraban as obras da estación do AVE, os tramos este e sur da circunvalación á cidade, así como o variante norte.
Ademais reclamaron a necesidade de que avancen os proxectos para a construción da A-76 entre Ourense e Ponferrada, pasando por Valdeorras, a A-56 entre Ourense e Lugo, o novo acceso do polígono de San Cibrao coa A-52 ou a circunvalación do Barco, recentemente licitada e pendente de adxudicación.
