A Memoria da actividade de Expourense no pasado ano foi presentada esta mañá no propio recinto nun acto no que participou a directora xeral de Comercio, Sol Vázquez, en representación do Conselleiro de Economía e Industria, e presidente do Padroado de Expourense, Francisco Conde; o alcalde de Ourense e vicepresidente executivo de Expourense, Jesús Vázquez; do vicepresidente da Deputación provincial de Ourense, Rosendo Fernández; da vicepresidenta da CEO, Marisol Novoa; o director territorial de ABANCA, Rubén Saavedra; o alcalde de San Cibrao das Viñas, Manuel Pedro Fernández, e o director xerente de Expourense, Alejandro Rubín.
Todos eles coincidiron en destacar o papel de dinamizador do territorio e de referencia internacional que xogan as feiras e eventos organizados polo recinto.
Durante 2018 Expourense celebrou 13 feiras, 3 das cales ( Xantar, Termatalia e Funergal) foron de carácter internacional o que supón que Expourense organizou a metade das citas internacionais celebradas en Galicia o ano pasado.
 |
| Alejandro Rubín |
Todos os certames contaron coa presenza de 1.073 expositores, unha cifra superior á do ano anterior (940 expositores) e que indica o bo grao de fidelización e confianza das empresas e institucións polos proxectos levados a cabo por Expourense.
Estes datos confirman a Expourense como unha plataforma que contribúe, a través da organización de citas únicas, a fomentar a competitividade das empresas galegas e a facilitar contactos internacionais, sobre todo en sectores estratéxicos como o termalismo, a enogastronomía, o turismo activo, a automoción ou a industria funeraria.
Por todo o anterior, as feiras e eventos promovidos por Expourense exerceron de axente dinamizador da actividade económica galega conseguindo ademais a involucración dos empresarios e fomentando o asociacionismo.
Feiras Internacionais
A celebración de Termatalia en Foz do Iguaçu, no Brasil, considerada unha “das mellores edicións da historia”, supuxo tamén un importante fito na actividade feiral do ano. A cuarta edición en América Latina da Feira Internacional de Turismo Termal, Saúde e Benestar, congregou no Brasil a 200 expositores e a profesionais de 34 países e consolidouse como gran cita para os profesionais do turismo de saúde a nivel mundial.
Tamén se consolidou como unha das grandes citas internacionais do sector Funergal, a Feira Internacional de Produtos e Servizos Funerarios que convocou a 111 expositores de 14 países e superou as 4.000 visitas.
Entre os certames internacionais celebrouse tamén a 19ª edición de Xantar, Salón Internacional de Turismo Gastronómico, que contou con Portugal como país invitado e que contou coa participación de 12 países.
Calendario feiral
Entre as novidades no calendario feiral de 2018 destacou o nacemento dunha nova feira: Antiq Auria, Feira Internacional de Antigüidades, coorganizada coa Asociación “Memoria Antiga” de Ourense. Trátase dunha cita bianual que celebrou as súas dúas primeiras edicións nos meses de maio e novembro do ano pasado e que congregaron cada unha a máis de 50 expositores de 5 países.
Tamén se celebrou unha nova edición de Previsel, Salón da Prevención e Seguridade #Laboral, o único salón destas características en Galicia e que consegue a involucración activa de todos os axentes vinculados á prevención.
O 2018 foi o ano de consolidación do Salón do Deporte e Turismo Activo - Sportur Galicia que celebrou a súa segunda edición co obxectivo de dar a coñecer Galicia como destino activo e saudable e promocionar a multitude de opcións que esta comunidade ofrece para os afeccionados ao deporte e ás actividades ao aire libre. De carácter mixto e bienal, tamén se celebrou en 2018 l a 11ª edición de Galisenior, Salón Internacional das Persoas Maiores.
Actividade deportiva
Estreada en decembro de 2017, o 2018 foi o ano da posta en funcionamento e a pleno rendemento da pista de atletismo cuberta de Expourense, unha das tres de España e unha das mellores de Europa. Durante este ano, a pista acolleu a celebración dunha quincena de probas deportivas organizadas a gran maioría delas pola Federación de Atletismo de Galicia coa colaboración da Secretaría Xeral para o Deporte. Estas probas convocaron ao longo do ano a 19.700 visitas o que supón un novo ánimo de atracción de deportistas á cidade. Entre as probas disputadas destacou o XLV Campionato de España Sub20 en pista cuberta.
Hai que destacar tamén o labor levado a cabo para a promoción internacional de Galicia, a aposta pola innovación, a promoción e organización de xornadas, cursos e seminarios de formación ou actualización profesional.
Reesaltar tamén que as instalacións de Expourense foron o escenario elixido para a organización dunha vintena de eventos de distintas entidades públicas e privadas. Estas citas indican que outras empresas confían nas infraestruturas e soporte de Expourense para organizar as súas actividades. Entre os eventos celebrado neste recinto destacou o XX Congreso Estatal de Voluntariado que contou con máis de 1.200 asistentes de toda España.
Felicidades ao equipo de EXPOURENSE e moi en especial ao seu Director Xerente, Alejandro Rubín, que xestionou durante vinte anos cun enorme acerto e que conseguiu que o noso recinto feiral estea recoñecido como o mellor de Galicia.
A súa traxectoria é exemplar.
Felicidades ao equipo de EXPOURENSE e moi en especial ao seu Director Xerente, Alejandro Rubín, que xestionou durante vinte anos cun enorme acerto e que conseguiu que o noso recinto feiral estea recoñecido como o mellor de Galicia.
A súa traxectoria é exemplar.
Recibirá resposta
