Onte
as eleccións andaluzas concluíron cun resultado histórico, o Partido Socialista
– a pesar de gañar en votos escanos –
non consegue sumar apoios para seguir gobernando en Andalucía despois de
corenta anos.
E
vemos nos resultados un mandato inequívoco e claro de encargo ao PP - forza política do cambio
máis votada - para que configure unha
maioría alternativa para romper con catro décadas de malas políticas, casos non
moi edificantes e formación dun réxime clientelar.
As
miñas felicitacións a Juanma Moreno e a todo o PP de Andalucía que conta co
apoio da dirección nacional para emprender as negociacións e recibir o apoio
daqueles partidos que queiran ese cambio histórico en Andalucía e recuperar a
prosperidade, o crecemento económico, a creación de emprego e os servizos
sociais nesta comunidade autónoma.
Tras
40 anos, xa era hora de que o PP gobernase en San Telmo, coa lexitimidade de
facelo despois de ter o poder nas oito capitais de provincia, en cinco de oito
Deputacións provinciais e en 25 de 27 grandes cidades andaluzas.
Sen
dúbida estes resultados autonómicos teñen consecuencias a nivel nacional e como dicía hoxe Pablo Casado “España xa non
pode aguantar mais incompetencia de Sánchez”.
O
presidente do PP asegurou que a partir de agora, “non hai nada que negociar co
PSOE” porque, “eles deixaron claro que non teñen ningunha responsabilidade de
Estado para buscar o noso apoio” en ningún asunto que afecta o noso país como a
negociación dos Orzamentos, a xestión do
Brexit ou en políticas tan importantes como a migratoria, a xudicial ou a fiscal.
É
evidente que apenas cinco meses despois da moción de censura os andaluces
dixéronlle un non rotundo a Pedro Sánchez, non confían nas súas políticas, nos
seus aliados independentistas, batasunos
e podemitas nin que poida representar
esperanza de futuro para as súas vidas.
Felicitar
tamén a Pablo Casado, o primeiro presidente do PP elixido por primarias. O seu
proxecto político foi ratificado nestas eleccións e volve representar a un
centro-dereita sen complexos, que aspira a liderar con maioría absoluta moi
pronto este país.
