Sobre o vindeiro Pleno do Congreso dos Deputados

O Pleno do Congreso dos Deputados debaterá o martes 30 de outubro a toma en consideración da proposición de reforma do Regulamento do Congreso dos Deputados, presentado o Grupo Parlamentario Socialista, para limitar a prórroga dos prazos para presentar emendas a un proxecto de lei ata un máximo de dous adiamentos. 

Tamén se debaterá a toma en consideración da proposición de lei de modificación do imposto de sucesións e doazóns, que defenderá o Grupo Parlamentario Cidadáns e cuxo obxectivo é realizar unha harmonización fiscal do imposto que evite as perturbacións e desigualdades que actualmente xera, xa que as comunidades autónomas lexislan de distinta maneira este tributo. 

Esta reforma busca que as herdanzas e doazóns dentro do núcleo familiar non teñan efectos tributarios, reducir o imposto cando os beneficiarios sexan irmáns e, tamén, entre parentes máis afastados. Ademais, proponse que estas reducións deberán aplicarse con independencia da residencia habitual dos  causahabitantes, doantes e beneficiarios e  donatarios. 

Iniciativas non lexislativas

Na sesión do martes tamén se debaterán as proposicións non de lei sobre cotización dos autónomos e condea á ditadura de Venezuela, que presentaron os grupos parlamentarios Cidadáns e Popular, respectivamente. Así mesmo, veranse as mocións consecuencia de interpelación urxente sobre a gratuidade da AP-7 que defende o grupo parlamentario Mixto; o dereito á mobilidade e o transporte público, do grupo Unidos Podemos-En  Comù  Podem-En Marea, e política migratoria, que presentou o grupo parlamentario Popular. 

Por último, os deputados decidirán o martes se prorrogan catro meses a elaboración do ditame da Comisión de Investigación relativa ao accidente de voo de Spanair.

O mércores 31 de outubro renovarase o Pleno coa sesión de control, coas preguntas ao presidente do Goberno e os ministros, e as interpelacións urxentes.

Si desexa facer algún comentario poder enviar un correo celso.delgado@congreso.es
Recibirá resposta
Con la tecnología de Blogger.