Os populares galegos no Congreso urximos ao Goberno central a rebaixar as peaxes pactadas e a acometer canto antes as melloras prometidas na AP-9


Hoxe os deputados galegos populares no Congreso difundimos unha nota de prensa na que damos conta da presentación dunha Proposición non de lei para debatir na Comisión de Fomento na que urximos ao Goberno central a rebaixar as peaxes pactadas e a acometer canto antes as melloras prometidas na AP-9.

“Despois dunha etapa de Gobernos de España populares que souberon impulsar esta infraestrutura vital para Galicia –coa ampliación da ponte de Rande ou a circunvalación de Santiago-, o PPdeG considera un posible paso atrás inasumible para Galicia a actitude do novo Executivo.

Neste senso afirman que a chegada de Sánchez a Moncloa supuxo que se desvíase o foco de atención das infraestruturas galegas de cara a outros territorios. Deste xeito, ás dúbidas sembradas sobre a alta velocidade que conecta Galicia coa Meseta, súmase a paralización das melloras da AP-9 comprometidas.

Para os populares galegos a actitude do Executivo actual parece estar facéndolle o xogo a partidos como Ciudadanos ou Podemos, que teñen reiterado a súa postura en contra das infraestruturas galegas. Por iso, advirten de que non permitirán que a AP-9 sexa o enésimo campo de batalla no que o Executivo de Pedro Sánchez choque cos intereses dos galegos.

PNL PARA REACTIVAR A AP-9
Por todo isto, o Grupo Parlamentario Popular ven de rexistrar unha proposición non de lei na Comisión de Fomento impulsada polos deputados galegos, que insta ao Goberno a expresar o seu compromiso de que as novas obras acometidas en relación a esta autoestrada sexan financiadas con cargo á empresa concesionaria ou aos Orzamentos Xerais do Estado pero, en ningún caso, con cargo a novos incrementos de peaxes aos usuarios.

Do mesmo xeito, o documento presentado insta a adoptar as decisións necesarias para acordar a gratuidade da peaxe entre Vigo e Redondela, comprometidas polo anterior Goberno e que o Executivo de Sánchez cuestiona e a aprobar as medidas previstas para Chapela en compensación polos prexuízos ocasionados polas obras de ampliación da AP-9.

Esixe ademais licitar as obras de remodelación da ligazón de Pontevedra Norte (Nó de Bombeiros), emitir sen dilación o informe favorable ao entroncamento da Vía Ártabra coa AP-9 e acordar co Concello de Vigo unha proposta de integración urbana da autoestrada AP-9 na cidade.

Do mesmo xeito pide a licitación das obras da ampliación de Alfonso Molina, na cidade da Coruña, para o que debe chegar a un acordo sobre os terreos co Concello e as da Ligazón Orbital de Santiago de Compostela.

Por último, insta a convocar de inmediato a comisión conxunta sobre a AP-9 que integran a Xunta e o Ministerio de Fomento para abordar as cuestións anteriores e outras que poidan ser de interese.”

Ferrocarriles cuando la línea se inauguró. 

Si desexa facer algún comentario poder enviar un correo celso.delgado@congreso.es

Recibirá resposta

Con la tecnología de Blogger.