Congreso do Partido Popular: proclamados os candidatos e comeza a campaña

Onte o presidente do Comité Organizador do Congreso do Partido Popular, Luís de Grandes, anunciou a proclamación oficial dos  precandidatos á Presidencia do PP.

Devanditos  precandidatos presentaron os avais en tempo e forma, e cumpriron os requisitos previstos polo Regulamento a tales efectos. Por orde alfabética son: Pablo Casado, María Dores  Cospedal,  Elio  Cabanes, José Ramón García-Hernández, José Manuel García- Margallo e Soraya  Sáenz de  Santamaría.
  
A partir de agora, a campaña electoral comeza mañá 23 de xuño e estenderase ata o 4 de xullo, mentres que o 25 de xuño finaliza o prazo de inscrición para os afiliados que queiran participar na votación. Pola súa banda, o 29 de xuño conclúe o prazo de presentación de compromisarios, e o 5 de xullo terán lugar as votacións dos afiliados nas asembleas de toda España, ata chegar aos días 20 e 21 de xullo, cando se celebrará o citado Congreso.

SEDES A DISPOSICIÓN DOS  PRECANDIDATOS

Tal e como subliñou o seu presidente, a Comisión Organizadora está a tentar “por todos os medios” facilitar a todos os  precandidatos que teñan a posibilidade de actuar “con liberdade, transparencia, en igualdade de condicións para competir con compañeirismo”.

Para iso, poñerá á súa disposición recursos económicos e materiais nos termos que requira cada un deles, para que “poidan facer unha campaña sen desequilibrios”. 

Por iso, anunciou que desde hoxe sábado, o Partido Popular pon a disposición de todos os  precandidatos as sedes das que esta formación política dispón en todo o territorio nacional, co obxectivo de que poidan celebrar alí os seus actos. A sede nacional da rúa Xénova tamén permanecerá aberta para que os  precandidatos poidan presentar a súa candidatura e os seus programas, ofrecéndolles así mesmo os medios necesarios para ese efecto.

VISITA A OURENSE DO PRECANDIDATO PABLO CASADO


Hoxe mesmo pola tarde recibimos na sede provincial de Ourense a visita do precandidato Pablo Casado que diante dos afiliados, cargos electos e  membros dos órganos de dirección do partido dixo que “Ourense é o  exemplo dun partido  aberto  á  sociedade,  onde  non  é casual que Manuel Baltar  gañase elección tras elección con importantes resultados”.

Pablo Casado presentou ás súas  propostas e subliñou, en alusión ao novo proceso de elección, que “os nosos  mlitantes son os xefes e eu quero ser o presidente das bases, non dos notables, o presidente da rúa e non dos despachos”.

Cunha chamada a escoitar a voz dos militantes, o  precandidato á presidencia  nacional do PP afirmou que sempre respectará as decisións das organizacións territoriais, “pero vertebrando un proxecto nacional e con ambición de futuro”, engadindo que se é elixido non haberá tempo que perder ante o período electoral que se aproxima, “polo que tan pronto finalice o congreso haberá que empezar xa a nomear os candidatos”.

En referencia aos populares de Ourense engadiu que “non é casual que esteamos a gobernar na capital e á fronte da Deputación, porque iso conséguese grazas a unha campaña permanente, pegada ao territorio e que aposta polas súas potencialidades e o rural”. 

Pola súa banda, o presidente provincial do PP, Manuel Baltar, na presentación do  precandidato, na que tamén estaba presente o secretario xeral do PPdeG, Miguel Tellado, destacou o exemplo de democracia do PP “que queda patente no número de persoas que deron un paso á fronte”. “Esta é unha sede aberta a todos os  precandidatos, dos que imos escoitar as súas propostas e os afiliados terán despois a palabra”, engadiu Baltar animando á participación.


Si desexa facer algún comentario poder enviar un correo a celso.delgado@congreso.es 

Recibirá resposta.

Con la tecnología de Blogger.