O Estado reduce o seu déficit 1,2 puntos porcentuais do PIB no terceiro trimestre

O Ministerio de Facenda e Función Pública publicaba  onte na súa web os datos de déficit do Estado do mes de setembro, así como o déficit consolidado da Administración Central, Comunidades Autónomas e Seguridade Social correspondente ao mes de agosto en termos de contabilidade nacional.Nos tres primeiros trimestres do ano, o Estado rexistrou un déficit de 17.028 millóns de euros, o que equivale ao 1,46% do PIB. Esta cociente de déficit é inferior en 1,17 puntos porcentuais á rexistrada o ano anterior, cando se situou no 2,63% do PIB.

Na evolución do déficit do Estado debe terse en conta a liquidación do sistema de financiamento das administracións territoriais de 2015 efectuada en xullo, que ascendeu a 9.262 millóns de euros, 602 millóns máis que a liquidación efectuada o ano pasado. Excluíndo o efecto da liquidación en ambos os anos, o déficit do Estado ata setembro caería un 39,5% interanual, situándose no 0,67% do PIB, fronte ao 1,16% do ano anterior.

Excluído o gasto por intereses, o Estado presentou ata setembro un superávit primario do 0,22% do PIB, fronte ao déficit primario do Estado do 0,76% rexistrado no mesmo período de 2016.

O déficit do conxunto das Administracións Públicas, excluíndo as Corporacións Locais, descende un 27,6%, ata o 2,34% do Produto Interior Bruto (PIB), no período xaneiro-agosto, fronte ao déficit do 3,37% do PIB do mesmo período do ano anterior.

Si desexa facer algún comentario poder enviar un correo a celso.delgado@congreso.es 

Recibirá resposta
Con la tecnología de Blogger.