Pesar polo pasamento de Bautista Álvarez

Onte coñecía a triste nova do falecemento en San Amaro, de Bautista Álvarez, veterano político nacionalista e destacado militante da UPG.

Unha  persoa á quen coñecín na V Lexislatura do Parlamento de Galicia e co que compartín moitas horas de traballo na Mesa, na que ambos tiñamos a condición de Vicepresidentes. (Foi desde novembro de 1997 ata marzo de 2000)

Nesta entrada acompaño dúas fotos nas que se pode ver a Bautista: unha visitando o Museo do Pobo Galego que entón presidía o moi ilustre galeguista, Don Antón Fraguas, e outra na que a Mesa presidida por José María García Leira, daba a benvida no Parlamento ao Vicepresidente do Consello de Ministros da República de Cuba, José Ramón Fernández.

Fun testemuña da sua gran experiencia vital e do compromiso que amosaba na defensa das súas ideas, sempre pensando en Galiza a que amaba por enriba de todo.

Adxunto esta ligazón á súa biografía:


http://www.bautistaalvarez.gal/index.php/gl/pagina/id/11/bautista/53/biografa

O meu respecto e recoñecemento á súa figura e un sentido pésame á súa familia, a UPG e  ao BNG.

Descanse en paz.

Si desexa facer algún comentario poder enviar un correo a celso.delgado@congreso.es 

Recibirá resposta