Asistín en primeiro lugar a unha eucaristía na catedral de Ourense, presidida polo titular da diocese D. Leonardo Lemos que concelebró con bispos e arcebispos galegos e de Astorga, ademais do cardeal arcebispo de Madrid, Carlos Osoro.
Despois acudimos a Laias a un xantar e finalmente pola tarde asistín no Teatro Principal a unha conferencia do cardeal-arcebispo de Madrid Carlos Osoro.
O que foi bispo de Ourense dixo entre outras cousas que "O labor asistencial realizado por Fundación San Rosendo é excepcional, foi copiada mesmo noutros países e agora cumpre 25 anos de humanismo cristián, de traballar polos que non teñen nada; aqueles que mesmo non son rendibles para outros.
Osoro eloxiou o labor de Benigno Moure, "un home tan excepcional como o é a súa obra e ao que quero e admiro" e engadiu "acostumo a dicirlle a Don Benigno que el repite a a historia de San Pablo cando escribe cando non fixo outra cousa na súa vida que traballar polos pobres".
Cualificou á Fundación como "un proxecto que se achegou a todos os camiños que os homes vivimos e nos que somos máis pobres; aos anciáns, aos que ten adiccións, ás nais que están abandonadas, ás nais solteiras viven en mundos difíciles, aos que teñen minusvalías especiais. O que a fundación fai son páxinas de son páxinas do evanxeo"
Desde o seu nacemento envorcouse en dar solución ás necesidades máis perentorias da sociedade galega e dos colectivos máis débiles: nenos, maiores e persoas con discapacidade.
A Fundación conta con 70 centros asistenciais entre residencias de maiores, apartamentos tutelados, centros de discapacidade e de rehabilitación; ademais de tres centros de augas mineromedicinales, repartidos polas catro provincias galegas. O 85% destes centros atópanse en concellos rurais.
A Fundación conta con preto de 3.500 prazas asistenciais. Só o 30% son prazas concertadas, o que garante a independencia de Fundación San Rosendo das institucións públicas. A Fundación conta cun orzamento de 47,3 millóns de euros e xera máis de 1.650 empregos directos.
O obxectivo prioritario da Fundación San Rosendo é prestar axuda e benestar aos colectivos máis desfavorecidos de Galicia, desde unha perspectiva de integración e participación activa na sociedade e, ao mesmo tempo, xerar valor engadido na contorna no que se integran os centros asistenciais.
. Atención personalizada e individualizada aos residentes.
. Asistencia de calidade; todos e cada un dos membros da Fundación teñen como obxectivo prioritario a procura do benestar dos residentes. A Fundación San Rosendo foi unha das primeiras institucións en toda España e, a primeira en Galicia, en certificar a calidade das súas residencias de maiores e discapacitados.
. Formación permanente para que calquera traballador poida prestar axuda a un residente cando este o necesíte.
O meu recoñecemento máis sinceiro o traballo desta Fundación que dirixe José Luis Gavela e unha total admiración polo fundador, o cura Don Benigno Moure.
Si desexa facer algún comentario poder enviar un correo a celso.delgado@congreso.es
Recibirá resposta
