Interveño
hoxe no faladoiro de radio Voz no programa "Voces de Galicia" que compartín con Ricardo García
Mira e Carmen Adán. Fíxeno desde o meu despacho no Congreso e vía telefónica,
xa que esta tarde teño actividade parlamentaria.
A
moderadora Antía Díaz Leal propúxonos falar en primeiro lugar dos danos
causados polos temporais en Galicia e en especial dos problemas na
subministración eléctrica que afectaron
a miles de galegos.
Dixen que as duras condicións meteorolóxicas provocaron moitísimas incidencias e que as compañías eléctricas tiveron que facer un gran esforzo para solucionar os cortes no subministro eléctrico e restituír o servizo en fogares e empresas galegas. Non se pode esquecer a caída de enormes torretas de alta tensión por mor dos fortes ventos. En calqueira caso engadín, os afectados poden facer reclamacións en consumo ou nas aseguradoras para esixir - no seu caso- responsabilidades ás eléctricas.
Logo
falamos do xuízo que se iniciou hoxe no Tribunal Superior de Xustiza de
Cataluña que xulga o caso aberto en relación coa consulta do 9-N de 2014 que
afecta ao expresidente da Generalitat de Catalunya Artur Mas, á exconsellera
de Ensenyament Irene Rigau e á ex vicepresidenta do Govern catalán Joana Ortega.
Dixen
que o instrutor, no seu auto de apertura de xuízo oral considerou que os feitos
poden ser constitutivos, indiciariamente, dos delitos de desobediencia grave
labor por autoridade pública e de prevaricación administrativa. E que agora
corresponde ao poder xudicial axuizar.
Lembrei
dous artigos da Constitución Española. O Artigo 117 que no seu punto 1 proclama
que "a xustiza emana do pobo e adminístrase en nome do Rey por Xuíces e
Maxistrados integrantes do poder xudicial, independentes, inamovibles,
responsables e sometidos unicamente ao imperio da lei". E o Artigo 118 que di
que "É obrigado cumprir as sentenzas e demais resolucións firmes dos Xuíces e
Tribunais, así como prestar a colaboración requirida por estes no curso do
proceso e na execución do resolto".
Aludín
á suspensión do chamado "proceso de participación cidadá" polo Tribunal
Constitucional mediante providencia do 4 de novembro de 2.014. E que a pesar de
todo os acusados presuntamente dispuxeron o inicio de diversos procedementos
administrativos encamiñados a organizar a votación prevista para o día 9 de novembro.
Afirmei
que en España ninguén vai aos xulgados polas súas ideas, senón por incumprir a
lei e que somos un Estado con liberdade de pensamento e de expresión, pero a
lei obríganos a todos.
E
fixen unha pregunta a Carmen Adán que insistía en que estamos ante un proceso
de tipo político
Que
leis hai que cumprir e cales non, as que non lle gustan? Dixen que
ninguén está lexitimado para saltarse a lei arbitrariamente.
Finalmente
falamos dos populismos que ameazan en Francia e que produciron nos EEUU a
chegada de Trump, e se iso supoñía un cuestionamiento do sistema.
A
este respecto dixen que era un fenómeno preocupante, pero non alarmante e que
os cidadáns cren na democracia e no poder do seu voto e que polo menos en
España isto vese reflectido na participación e nos resultados electorais.
Puxen como exemplo as pasadas eleccións xerais de 2016 nas que participou o 69,84 % do censo electoral e que sen dar maioría absoluta a ninguén outorgou aos chamados partidos clásicos, unha aínda notable representación.
Dixen que a mellor maneira de amortecer o populismo é que cheguen ás institucións e véxanse na necesidade de gobernar e manter os servizos públicos e o Estado do benestar. Desde aí é máis difícil dar respostas realistas que desde a rúa, que non compromete máis que a facer frases e slogans. Expresei finalmente a miña plena confianza no sistema democrático como o mellor para xestionar os asuntos xerais.
Puxen como exemplo as pasadas eleccións xerais de 2016 nas que participou o 69,84 % do censo electoral e que sen dar maioría absoluta a ninguén outorgou aos chamados partidos clásicos, unha aínda notable representación.
Dixen que a mellor maneira de amortecer o populismo é que cheguen ás institucións e véxanse na necesidade de gobernar e manter os servizos públicos e o Estado do benestar. Desde aí é máis difícil dar respostas realistas que desde a rúa, que non compromete máis que a facer frases e slogans. Expresei finalmente a miña plena confianza no sistema democrático como o mellor para xestionar os asuntos xerais.
Si desexa facer algún comentario poder enviar un correo a celso.delgado@congreso.es
