España pasou en cinco anos de achegar un de cada dous novos parados á UE a ser o responsable da redución do 40% do paro da zona euro

Hoxe o Consello de Ministros recibiu un Informe da ministra de Emprego e Seguridade Social, Fátima Báñez, sobre a evolución do emprego no período decembro 2011-decembro 2016.

O texto recolle os datos de creación de postos de traballo en todas comunidades autónomas, provincias, sectores, grupos de idade e colectivos. Ademais, incide na redución do paro nos últimos doce meses e na evolución dos afiliados á Seguridade Social.

O informe reflicte que todo o crecemento económico trasládase ao emprego e que a economía española ha empezado a crear emprego indefinido desde o inicio da recuperación, con 35 meses consecutivos de incremento da contratación indefinida.

A ministra afirmou que "esta recuperación en forma de oportunidades" é froito do esforzo e compromiso compartido da sociedade española.



Báñez resaltou que o paro crecía en termos interanuais en decembro de 2011 nun 7,86% e agora redúcese a un ritmo do 9,54%. "Esta é unha presentación da realidade sen triunfalismos", dixo, porque o reto do Goberno é dar oportunidades aos máis de tres millóns de españois que aínda permanecen nas listas do desemprego.

A ministra tamén destacou que 2016 finaliza cun "récord histórico" de redución de paro. Nos últimos 12 meses, dixo, "reduciuse como nunca", en case 400.000 persoas. España pasou en cinco anos de achegar un de cada dous novos parados á Unión Europea a ser o responsable da redución do 40% do desemprego na zona euro.

A xuízo da ministra, o máis importante non é que só baixe o paro senón que se cre emprego. 

Neste sentido, apuntou que en 2011 o emprego destruíase a un ritmo do -2,02%, agora créase a un ritmo superior ao 3% e hai máis de 17.800.000 persoas afiliadas á Seguridade Social. "España recuperou a metade do emprego destruído pola crise.

Case 1.700.000 persoas atoparon un traballo, das case 3.300.000 que o perderon na crise. Por tanto, recuperamos case o 51% do emprego perdido", precisou.

Fátima Báñez argumentou que "a recuperación do emprego é moi social" porque se crece en toda España, en todos os sectores económicos e tramos de idade. "O gran reto de España nos próximos anos é que o noso país compita no mellor que ten, no principal activo estratéxico que teñen as empresas, que é o talento, que é o capital humano. E estamos a recuperar coa creación de emprego todo o talento perdido pola crise",dixo.



Ademais, subliñou que a creación de emprego entre os mozos crece a un ritmo superior ao 8% e duplica a taxa de creación global. O número de autónomos é superior en 125.000 aos rexistrados en decembro 2011, e nove de cada dez persoas que abandonaron o paro no último ano foron parados de longa duración.

A recuperación tamén se produce de maneira intensa entre as mulleres: "Nunca houbo tantas mulleres traballando en España. Recuperamos todo o emprego feminino que se destruíu coa crise e, máis aínda, hoxe en España temos récord absoluto de afiliación de toda a nosa historia económica con 8.277.000 mulleres traballando".


A ministra sinalou así mesmo que nos tres últimos anos os contratos de persoas con discapacidade alcanzan a cifra de 225.000 afiliados.


Si desexa facer algún comentario poder enviar un correo celso.delgado@congreso.es
Recibirá resposta


Con la tecnología de Blogger.