Contratadas as esperadas e necesarias reparacións de estradas de Ourense, afectadas polas obras de construción do AVE

Informa hoxe Adif Alta Velocidade que contratou as obras de execución do proxecto de actuacións urxentes en estradas de titularidade da Axencia Galega de Infraestruturas e da Deputación de Ourense, afectadas polas obras de construción da Liña de Alta Velocidade (LAV) Madrid-Galicia, na provincia ourensá.
As reparacións obxecto deste concreto abarcan todas as estradas danadas pola realización das obras da LAV, no traxecto comprendido entre o tramo Vilariño-Campobecerros e o tramo Ponche Ambía-Taboadela.

Os traballos, que se encargaron a Tragsa por importe de 5.187.126 euros (IVE incluído), teñen un prazo de execución de 12 meses.

Ámbito de actuación:

A localización das obras entre os tramos de Vilariño de Conso e Taboadela, en pleno macizo central galego e moi distantes dos principais núcleos de poboación, fan que o acceso aos tallos efectúese por unha ampla rede de estradas secundarias, dimensionadas para tráficos moi reducidos.

Co avance dos traballos na LAV Madrid-Galicia e o consecuente tráfico de vehículos pesados, estes viarios acabaron presentando danos como blandones, fochancas, “pel de crocodilo”, mordentes, afundimentos, etc. Dáse a circunstancia engadida de que o acceso a determinados núcleos de poboación soamente é posible por un único viario, o que imposibilita rutas alternativas.

As estradas afectadas polas devanditas obras e obxecto de reparacións, nos tramos que sexa necesario, discorren polos termos municipais de Vilariño de Conso, A Gudiña, Castrelo do Val, Laza, Vilar de Barrio, Sarreaus, Baños de Molgas, Xunqueira de Ambía, Allariz, Paderne de Allariz e Taboadela.

Este contrato recolle un plan de actuación urxente para intervir de maneira inmediata naqueles puntos que presentan importantes danos, co fin de dotar aos viarios dunha capa de rodaxe regular e unha capacidade de carga que permita o tránsito de vehículos pesados ata a finalización das obras.

Nunha fase final, unha vez acabadas as obras da LAV, acometerase un tratamento que restitúa as estradas á súa situación primitiva.

Estamos aunte unha moi esperada noticia, pués son xa anos os que levan esperando os veciños destes municipios afectados polas obras do AVE, que sen dúbida lles ocasionaron importantes problemas na súa mobilidade, polo dterioro de camiños e estradas. É un acto de xustiza esta reparación.

Si desexa facer algún comentario poder enviar un correo celso.delgado@congreso.es

Recibirá resposta
Con la tecnología de Blogger.