Aprobados en Consello de Ministros os obxectivos de estabilidade 2017-2019, coa nova senda de redución do déficit público, e o límite de gasto non financeiro do Estado para 2017

Onte tras o Consello de Ministros, en rolda de prensa o ministro de Facenda e Función Pública, Cristóbal Montoro explicou  os obxectivos de estabilidade 2017-2019, coa nova senda de redución do déficit público, e o límite de gasto non financeiro do Estado para 2017. 

Montoro afirmou que ambos os elementos remítense ás Cortes, pero que estas só votan os obxectivos de estabilidade, non o límite de gasto, que é o primeiro paso do ciclo orzamentario.

En primeiro lugar, foron actualizados  os obxectivos de 2016, unha cuestión abordada esta semana na Comisión Nacional de Administración Local e no Consello de Política Fiscal e Financeira. Este ano pecharase cun déficit público do 4,6% do PIB; a parte correspondente ás comunidades autónomas elévase en catro décimas.

Para o próximo ano, o déficit previsto é do 3,1%, "un gran esforzo de redución" para o conxunto das Administracións Públicas e, en especial, para a Central, segundo indicou Montoro. O titular de Facenda engadiu que o actual escenario de crecemento "facilita moito as cousas, aínda que nos obriga a tomar decisións".

As Administracións terían un déficit do 2,2% no ano 2018, "un paso cualitativo de enorme importancia", en palabras do ministro, xa que España sairía do procedemento aberto pola Comisión Europea debido ao seu déficit excesivo. Finalmente, no ano 2019 o déficit público quedaría no 1,3%.

En canto á débeda pública, este ano pecharía no 99,4% do PIB e empezaría a reducirse de maneira significativa en 2018, grazas á corrección do déficit e ao crecemento económico, co que se afastaría da referencia do 100% do PIB.

O Goberno propón un límite de gasto non financeiro do Estado para o próximo ano de 118.337 millóns de euros, a mesma cantidade que se prevé gastar en 2016 tras aforrar o Executivo uns 5.000 millóns respecto do orzado inicialmente, "sen reducir ningún programa de gasto social", segundo subliñou Montoro.


Si desexa facer algún comentario poder enviar un correo celso.delgado@congreso.es
Recibirá resposta

Con la tecnología de Blogger.