Rajoy:"Esta é unha lexislatura na que todos teremos que facer un maior esforzo para entendernos, para buscar acordos"

Hoxe o presidente do Goberno en funcións, Mariano Rajoy, ao termo do Consello Europeo de Bruxelas en rolda de prensa, foi preguntado polo seu discurso de investidura se é proposto polo Rei como candidato á presidencia do Goberno.

Rajoy respondeu  que terá que adecualo á nova situación: "Esta é unha lexislatura na que todos teremos que facer un maior esforzo para entendernos, para buscar acordos".

Ao seu xuízo, todos os grupos políticos terán que ceder nas súas formulacións de máximos: "Se hai boa vontade por parte de todos o que se debe facer é incidir naqueles asuntos nos que hai máis posibilidades de acordo e, por tanto, deixar dun lado aqueles asuntos nos que o desacordo é moi difícil de superar".

Rajoy reiterou que sempre plantexou un goberno de coalición capaz de afrontar retos como a recuperación económica e a creación de emprego, ademais de asuntos como as pensións, o financiamento autonómico, os acontecementos en Cataluña e a posición de España en Europa, pero dixo que respecta a posición do resto dos partidos. "Era unha excelente oportunidade para que se producise un cambio que non tivo nunca España, que é que por primeira vez na historia, en 40 anos, puidesen estar en coalición os partidos que tradicionalmente se alternaron no poder", argumentou.

O xefe do Executivo en funcións manifestou que é consciente dos apoios que ten e, a partir deles, vai tentar gobernar, xa que non é a primeira vez que un goberno está en minoría: "A miña vontade será actuar coa maior lealdade posible. Haberá moitas formulacións cos que presentamos ás eleccións que, se cadra, non poderán saír adiante pero é algo que sucede habitualmente en todas as democracias onde moi son moi poucos os que teñen maioría absoluta".

Ademais, Mariano Rajoy subliñou que non é o único que ten unha responsabilidade se se produce a investidura porque "as decisións que afectan a España téñenas que tomar entre os 350 deputados que teñen as Cortes e non só os 137 do PP". "Será unha investidura, se ao final prodúcese a investidura do candidato do PP que, se cadra, por difícil, pódese converter nunha gran oportunidade para deixar resoltos algúns dos grandes retos que ten España no futuro", engadiu.

Respecto da formación de Goberno, Rajoy asegurou que non dedicou "nin un minuto" a ese tema porque aínda non ten o encargo do monarca: "Se eu teño que volver formar goberno non lle direi nada a ninguén antes de falar coa súa Maxestade El Rey". 

Con la tecnología de Blogger.