Aberta ao tráfico a Ponte do Milenio

Cruzo andando  á primeira hora desta mañá a ourensá Ponte do Milenio, na que o Goberno galego acometeu distintas melloras na súa estrutura, co selado de fendas e a eliminación da corrosión; no taboleiro, coa súa mellora e impermeabilización; e tarefas de conservación, de retirada de vexetación, canalización das augas ou a reparación do sistema de iluminación. 

Unhas actuacións, que comezaron en xullo e que acaban - hai escasos días - de permitir que se abrise totalmente o tráfico na ponte, polo que se pode circular con absoluta normalidade. 

Lembremos a auténtica necesidade de executar estas obras de reparación das graves deficiencias que afectan a esta emblemática ponte, carcomida polo óxido e a falta de mantemento desde que se inaugurou en 2001.

O contrato para executar estas obras, por importe de 453.000 euros, foi adxudicado á compañía ourensá  Extraco Construccións e Proxectos S.L.

Os traballos quedarán totalmente finalizados no mes de novembro, devolvéndolle así a funcionalidade a unha infraestrutura emblemática, que xa é estratéxica, desde o punto de vista da mobilidade, pero tamén polo seu atractivo turístico e por converterse nun elemento representativo da cidade.

Agardemos que unha vez rematadas estas obras, esta ponte reciba un axeitado respeto por parte dos usuarios. O patrimonio públicó é de todos e temos a obriga de coidalo.

Si desexa facer algún comentario poder enviar un correo a celso.delgado@congreso.es
Recibirá resposta