Importante decisión a que onte adoptou o Consello de Ministros ao autorizar a modificación dos límites orzamentarios para poder convocar de inmediato bolsas de carácter xeral para o curso 2016-2017 destinadas a estudantes que cursen estudos postobligatorios.
A vicepresidenta do Goberno en funcións, Soraya Sáenz de Santamaría, lembrou que a convocatoria inclúe como novidade que os estudantes que desexen cambiar de estudos poidan seguir recibindo bolsas e que actualiza a cobertura aos que proceden do ámbito rural.
Así mesmo, lembrou que o curso pasado "o número de bolseiros incrementouse de forma notable tanto nos niveis universitarios como nos non universitarios".
No curso 2015/2016 alcanzouse o maior número de bolseiros da serie histórica nas bolsas xerais e tamén o máximo de beneficiarios de axudas para alumnos con necesidades específicas de apoio educativo, 95.381 alumnos.
O Goberno veu incrementado a dotación orzamentaria para o sistema de bolsas e axudas ao estudo nos Orzamentos Xerais do Estado desde o ano 2013, ata chegar aos 1.416,5 millóns de euros en 2016, a cifra máis alta da serie histórica. Esta cifra supón case un 25 por 100 máis de orzamento sobre os 1.138 millóns de euros consignados nos Orzamentos de 2012.
No marco deste compromiso do Goberno coa dimensión social da educación e, en concreto coa política de bolsas, este Acordo é o paso previo para a publicación da convocatoria que abrirá o prazo para que, tanto os estudantes universitarios, como non universitarios, poidan presentar as súas solicitudes de bolsa para o curso 2016-2017.
Os prazos de presentación, como en anos anteriores, estenderanse ata o 3 de outubro, inclusive, para os estudantes non universitarios e ata o 17 de outubro, inclusive, para os estudantes universitarios. A convocatoria incorpora algunhas novidades que facilitan o acceso ás bolsas a quen desexa cambiar de estudos, así como aos estudantes procedentes do medio rural.
O curso pasado o número de bolseiros incrementouse de forma notable tanto nos niveis universitarios como nos non universitarios. No curso 2015/2016 alcanzouse o número máximo de bolseiros da serie histórica nas bolsas xerais: 655.866.
Ademais, realizáronse melloras da xestión que permitiron aos beneficiarios cobrar antes que noutras convocatorias, tanto as cantidades fixas como as variables.
Recibirá resposta
