Recibimos hoxe en Ourense a visita do ministro en funcións de
Sanidade, Servizos Sociais e Igualdade e presidente do Partido Popular vasco,
Alfonso Alonso, nunha reunión da xunta directiva do PP de Ourense, onde estivo
acompañado polo presidente provincial, Manuel Baltar, e os candidatos ao
Congreso e ao Senado.
Alonso advertiu que “as mareas de Podemos tamén
queren levar a Galicia á confrontación, a desunión e a autodeterminación”, polo
que pediu aos electores que pensen no país que queren e presérveno dos
riscos do populismo e o radicalismo.
Afirmou que “nós non somos o partido dos indecisos,
senón da determinación e a garantía”, á vez que defendeu ao PP como a forza da
convivencia fronte ao sectarismo.
“Non podemos facer descarrilar agora ao país, sobre
todo despois do conseguido nuns momentos moi difíciles e que pode vir abaixo”,
engadiu, polo que reclamou un esforzo para animar aos electores para acudir o
domingo ás urnas “e non desperdiciar o voto, permitindo que se axiten a augas do
resentimento”.
Alfonso Alonso, que na quenda de preguntas fixo
unha defensa sen paliativos das Deputacións, lanzou unha clara mensaxe aos
membros da xunta directiva ao afirmar que “estas non van ser as eleccións do
sorpasso, senón da sorpresa”, polo que pediu que se busque ata o último voto
“para un partido, o PP, que non nos falla”.
Tralo remate da reunión coa xunta directiva, o
ministro en funcións fixo un percorrido pola rúa do Paseo, achegándose ara a
carpa que temos instalada nesta céntrica rúa da cidade.
Si desexa facer algún comentario poder enviar un correo a celso.delgado@congreso.es
Recibirá resposta
