Ourense condena os terribles atentados de Bruxelas

Participo esta mañá en Ourense nun dos miles de actos que hoxe se celebraron no mundo para condenar os terribles atentados perpetrados onte en Bruxelas e transmitir todo o noso agarimo e solidariedade  a todas as familias afectadas e o noso duelo polas vítimas.

Tivo lugar ás portas da Casa do Concello, onde estaba o alcalde Jesús Vázquez, varios dos concelleiros dos diferentes grupos políticos da corporación, o meu compañeiro deputado Miguel Viso, así como outras representacións, e cidadáns que quixeron sumarse a este acto cívico e solidario.

Hoxe en Ourense todos estivemos preto do poblo belga e deixando claro que imos seguir defendendo os nosos principios desde a convicción de que son os mellores e os únicos cos que podemos avanzar na defensa da vida e das liberdades públicas. 

Quedou acreditado que a unión de todos os partidos é moi positiva para afrontar a loita contra o terror e a necesidade de profundar no pacto antiyihadista.

Si desexa facer algún comentario poder enviar un correo a celso.delgado@congreso.es 
Recibirá resposta


Con la tecnología de Blogger.