Despois
da constitución da Mesa, tivo lugar a presentación de tres relatorios. “Futuro e
comunicacións” defendida por Cristina Romero, quen centrou a súa intervención
no AVE.
“Turismo e termalismo” foi o eixo do relatorio
presentado por Gabriel Alén, quen defendeu a recuperación, posta en
valor e aproveitamento dos recursos termais.
A senadora Miri Barreira defendeu a terceira das
comunicacións, centrada en Ourense como provincia intelixente. Subliñou a
necesidade de continuar coa reforma das administracións para que presten
mellores servizos, de maior calidade e ao menor custo, incor
porando a
innovación e os avances tecnolóxicos que faciliten a relación entre a
administración e administrados.
Logo
foi o turno do secretario xeral, Rosendo Fernández que fixo balance da xestión
realizada polo PP nestes tres anos. Repasou a actividade orgánica do partido,
do que destacou o seu dinamismo e transparencia e chamou a atención sobre os
éxitos cultivados nas eleccións europeas, locais e xerais, que situaron ao
partido como a terceira e segunda formación de España con maior apoio ao PP.
Uns éxitos, advertiu con todo, “que non nos deben dar por satisfeitos”. Como
partido do goberno en Ourense, dixo, “o PP debe tomar nota das demandas dos
nosos cidadáns para responder as súas necesidades e iso só conséguese con
máis compromiso e traballo”.
En representación do PP nacional, o congreso contou
coa presenza de Andrea Levy, vicesecretaria de estudos
e programas da formación, que reivindicou a figura dos afiliados e simpatizantes como a alma do Partido
Popular, a súa forza, “por iso lévome deste congreso a súa lema: Ourense ten
forza”. Levy, en clave nacional, criticou o sectarismo doutros partidos fronte
ao PP, que foi o gañador das eleccións xerais, “a forza preferida dos españois,
polo que fai e o que sabemos facer e que en congresos como o de Ourense
revitaliza os seus valores e principios”.
Logo
o candidato
á presidencia do Partido Popular de Ourense, Manuel Baltar, deu a coñecer esta a
lista das persoas que integrarán o novo Comité Executivo do partido, que
contará novamente –como xa acontecera no anterior congreso de 2013- con maioría
feminina entre os seus membros, en concreto un 51 %.
Baltar agradeceu aos asistentes a súa presenza “no
primeiro congreso que celebra o PP en España en 2016”, e engadiu: “aquí recibín
a vosa confianza en xaneiro de 2010 e en marzo de 2013. E aquí estamos, en
marzo de 2016, para seguir fabricando o futuro da nosa provincia na que cremos:
Ourense”.
Logo de afirmar que o peor inimigo dunha forza
política é a autocomplacencia, a comodidade, Baltar afirmou que o segredo do
PPOU “radica en fixarse metas, canto máis difíciles mellor”, e sabendo que a
política “é un escenario perfecto para a innovación. Anticipándonos, marcando a
axenda. Pensando. Como creativos que somos os ourensáns, ademais de
traballadores e emigrantes”, remarcou.
16 novos compromisos
Manuel Baltar destacou 16 novos compromisos para
levar a cabo no novo mandato, que son os seguintes:
O partido organizado
1. Congreso local en Ourense cidade.
2. Congresos locais nos concellos que restan por
orde alfabética.
3. Congreso provincial de novas xeracións.
4. Campaña de afiliacións, estudando a baixada de
cotas para desempregados e familias numerosas.
O partido aberto
5. App do PP de Ourense para dispositivos móbiles.
6. “O presidente responde”, consultas directas na
web co compromiso de resposta en menos de tres días.
O partido participativo
7. Os membros da Xunta Directiva proporán ao comité
electoral as súas preferencias nas candidaturas ao Parlamento de Galicia e ás
Cortes Xerais do Estado.
8. Creación dun “buzón lexislativo” para propostas
no proceso de tramitación das leis nas Cortes Xerais e no Parlamento galego.
O partido dos galegos no exterior
9. Liña de colaboración permanente cos ourensáns no
exterior (enlace específico na web).
O partido da transparencia
10. Publicación na web das declaracións de bens e
IRPF dos compoñentes do Comité Executivo Provincial.
11. Boletín informativo de actividades trimestral
vía correo electrónico e pdf web.
O partido do recoñecemento
12. Distinción anual á mellor iniciativa política
proposta por integrantes dos grupos populares nas institucións.
13. Distinción anual ao mellor afiliado/a polo seu
labor e compromiso a proposta dos comités locais.
O partido da provincia
14. Xuntanzas itinerantes dos órganos do partido
polo territorio provincial: Xunta Directiva, Comité Executivo, Comité de
Dirección, ROMP, Consello Asesor…
O partido do futuro
15. Reforzar a estrutura e o traballo do comité de
voceiros na oposición para obter a maioría absoluta en vindeiros comicios
locais.
16. Posta en marcha da rede popular de presenza
activa nas redes sociais. innovación tecnolóxica.
Logo
pasamos as votacións. Dun censo total de 889 personas votaron 837, dos que 796 (95,66 % )respaldaron
la candidatura de Baltar, mientras que 34 papeletas foron en branco e houbo sete
votos nulos.
Manuel Baltar destacou: “a nosa forza é a
estabilidade, a solidez. Momento para a cooperación e para a confianza,
engadindo en clave nacional que en Ourense “tamén apreciamos a necesidade
inmediata de formar un goberno en España que teña auténtica solidez”.
O presidente do PPOU destacou que nos presentamos
“para gobernar e para construír, en positivo. Non para que non gobernen outros.
Facémolo para resolver, imaxinar e para facer Ourense. Por iso pediu un
recoñecemento para alcaldes alcaldes, alcaldesas, concelleiras e concelleiros,
motor da nosa formación e verdadeiro activo do PP de Ourense. Nada sen eles.
Todo con eles”.
Tamén lembrou aos ourensáns da emigración, “os
mellores embaixadores da nosa provincia. Todos temos e todos somos emigrantes”,
e tivo palabras de lembranza “para os que fixeron deste partido unha gran forza
política que hoxe representamos, aos que nos precederon no tempo”, destacando
tamén ao presidente nacional, Mariano Rajoy, “de quen nos sentimos orgullosos,
gañador das eleccións, enviándolle toda a nosa forza nestes momentos de
incertidume”.
Manuel Baltar subliñou a importancia dun “Ourense
líder” que toma a palabra no Comité das Rexións da UE falando en nome das
deputacións de España, institucións provinciais que definiu como “espello dos
concellos da provincia” e cuxa continuidade defendeu de novo, solicitando unha
vez máis unha reforma do réxime electoral, de modo que os ourensáns poidan elixir
directamente os membros da corporación provincial, así como tamén unha reforma
do financiamento local que achegue máis recurso aos gobernos provinciais.
Alberto Núñez Feijóo, clausuró o congreso provincial do PP de Ourense, onde
aproveitou para felicitar a José Manuel Baltar e á súa candidatura pola vitoria
acadada e pola honra que supón presidir un partido gañador, que está activo e
en movemento.
Como lembrou Feijóo, esta semana cumpríronse sete
anos da vitoria electoral nas autonómicas en 2009. Con respecto a isto,
destacou que o que gañou esas eleccións non foi o candidato, senón o esforzo,
traballo e a renovación de todo o partido coa súa militancia.
Deste xeito, sinalou que agora o partido volve a
equiparse para as súas vitorias do futuro e ten que facelo como en 2005, con
autocrítica, esixíndose máis e con traballo e esforzo.
Nesta liña, Feijóo destacou que este ano haberá unhas
autonómicas para as que parece que Podemos ten présa, xa que ten medo de que
canto máis tempo pase máis se coñeza a súa inoperancia, e quizáis tamén haxa
outras xerais porque a irresponsabilidade de Pedro Sánchez deixou o futuro
deste país nas mans do partido de Pablo Iglesias.
O PP TEN QUE BUSCAR SEMPRE A MAIORÍA
Afirmou que o PP
ten que buscar sempre a vitoria dunha maioría ampla e estable que permita a
gobernabilidade do país, ante as minorías que non aceptan a derrota e para as
que o seu país é algo secundario, porque eles teñen que ser os protagonistas.
Segundo Feijóo, o seu ego lévaos a facerse crer que
son estrelas cando deberían ser servidores humildes. Por iso, cre que durarán o
que dura unha estrela fugaz e acabarán estrelados como Pedro Sánchez esta
semana, que fracasou nas eleccións pero se emperrouse en ter o seu momento de
gloria buscando un goberno de fracaso.
Neste senso, o líder do PPdeG criticou que o
socialista fíxolles perder o tempo aos cidadáns e agora non debería intentar
arrastrar o seu país ao seu fracaso persoal.
Como engadiu, nin a opinión de Pedro Sánchez, nin a
de Albert Rivera, nin a de Pablo Iglesias vale máis que a dos 7,3 millóns de
españois que lle deron a maioría ao PP.
Por iso, Feijóo pediu que deixen de crerse por riba
dos españois, posto que nin os defenden a eles nin aos seus votantes, senón que
o único que defenden é o seu interese persoal e non vale máis o que ven nun
espello que o que ven nas urnas.
CONFIANZA
Lembrou que non son o
primeiro partido de España, de Galicia e de Ourense por casualidade, senón
porque traballan as vitorias para obter resultados que beneficien ao conxunto
dos cidadáns.
De feito, desde aquel 1 de marzo de 2009, agora
baixa o paro, soben as afiliacións á seguridade social, crece a economía, hai
máis innovación e máis exportacións que nunca, hai máis confianza de
consumidores e emprendedores, hai menos impostos, hai máis responsabilidade
económica e hai seguridade nas prestacións sociais.
Si desexa facer algún comentario poder enviar un correo a celso.delgado@congreso.es
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
