jueves, 24 de diciembre de 2015

A Xunta adopta novas medidas de apoio ás persoas e familias con menos recursos

Salientar que onte foi aprobado por parte do Consello da Xunta de Galicia un decreto que establece o complemento extraordinario de 206 euros para os perceptores de pensións non contributivas da Seguridade Social. A axuda chegará a máis de 42.000 persoas perceptoras de pensións non contributivas, do Fondo de Asistencia Social e do Subsidio de Garantía de Ingresos Mínimo.

Segundo explicou o presidente do Goberno galego, Alberto Núñez Feijóo trátase dun complemento que só manteñen tres Comunidades Autónomas e que suporá un investimento por parte da Administración galega de 8,7 millóns de euros.
Ademais, tal e como sinalou, esta axuda ingresarase de oficio, sen necesidade de efectuar solicitudes ou levar a cabo ningún trámite adicional e será aboada nun pagamento único nos primeiros dez días de xaneiro.
A este respecto, Feijóo lembrou que no vindeiro ano 2016 o Goberno galego seguirá a apostar por medidas de apoio ás persoas e familias con menos recursos, o que se verá reflectido nas partidas económicas destinadas ao ámbito da inclusión social. Este presuposto aumentará en máis dun 24% superando os 86 millóns de euros.

Así, tal e como sinalou, poderase dar cobertura a iniciativas como a Risga, que aumentará nun 10% con respecto ao actual exercicio, e ao Plan Social contra Desigualdade Económica, que contará cunha dotación de máis de 20 millóns. Este último incluirá o tique eléctrico e o programa Reconduce para familias en risco de perder a vivenda.

Si desexa facer algún comentario poder enviar un correo a celso.delgado@congreso.es 
Recibirá resposta