Rajoy presenta as liñas mestras do programa electoral do Partido Popular e anuncia que baixaremos aínda máis os impostos

Onte tivo lugar en Valencia o acto de presentación das liñas mestras do programa electoral do PP para as eleccións do 20 de decembro.

O presidente, Mariano Rajoy, comprometeuse a baixar o tipo marxinal mínimo da renda do 24% ao 17%, e o máximo do 45% ao 43%, na próxima lexislatura se gaña as eleccións xerais do próximo 20 de decembro.

Así mesmo, anunciou que aumentará a contía dos cheques a familias numerosas e o das persoas que teñen ao seu cargo persoas con discapacidade, e creará unha nova axuda para persoas que traballen con discapacidade e para que sexan deducibles na renda os gastos de familias na adopcións internacionais. 
  
Rajoy desagregou os obxectivos principais do partido, agrupados en sete apartados, que se centrarán en crear emprego, coidar das persoas, manter e mellorar as pensións, a sanidade pública, a educación e os servizos sociais para as persoas e as familias.   

Respecto disto subliñou que "xa podemos facelo". O terceiro dos apartados busca o crecemento da economía e o emprego e que haxa máis ingresos para as persoas. Así mesmo, comprometeuse coa defensa da unidade de España, a soberanía nacional, a igualdade dos españois e o cumprimento da lei. 
 
Como quinto obxectivo, Rajoy manifestou a súa vontade de culminar a mellora da educación para "conseguir unha auténtica igualdade de oportunidades"; seguir modernizando a administración pública porque, aínda que indicou que "se fixo moito nestes anos", recalcou que "hai que seguir avanzando".

"Somos ambiciosos e queremos unha administración coas tecnoloxías implantadas, áxil, rápida e ao servizo dos cidadáns", sostivo.

Outra das grandes prioridades que se marcou foi  o compromiso de rexeneración da vida pública. "Fixemos moitas reformas e obrigamos aos que roubaron a devolver o importe do roubado", á vez que engadiu que apartaron do PP a quen "non hizobien as cousas" e deixaron actuar a xuíces, fiscais e forzas e corpos de seguridade do estado "con independencia", recalcou Rajoy.  

"Poñeremos todo o noso empeño en que algunhas cousas que vimos nestes anos non volvan repetir xamais no noso país. Xamais, polo que non vale cometer erros", recalcou. "O gran obxectivo desta lexislatura foi evitar a quebra de España, o rescate e superar crise e empezar a crecer e para iso levamos a cabo unha política económica que funcionou e nela imos a perseverar no próximos catro anos", engadiu.

Así, manifestou que imos traballar para  crear 500.000 postos de traballo anuais e tentar que haxa un emprego de maior calidade, porque o 75% dos traballadores son indefinidos.

Ademais, avanzou que nos próximos días anunciarán medidas "moi importantes" en materia de cotizacións á Seguridade Social.   

Tamén afirmou que continuarán co proceso de reformas xa iniciado e farán unha "especial" aposta pola formación profesional dual para que quen estude poida traballar á vez como ocorre en países como Austria.  

Así mesmo, sostivo que poñerán en marcha unha "gran operación" para favorecer ás pemes e para apoiar a innovación e a investigación porque "aí está o futuro dos países". "Poñeremos en marcha un plan nacional para desenvolver unha axenda dixital e faremos unha reforma administrativa", puntualizou Rajoy. 

"Estas medidas pódense aplicar e en moitas xa demos pasos cara a adiante", destacou.

"Os españois vivimos catro anos moi difíciles e hoxe podemos dicir que superamos o peor e non estamos como estabamos cando chegamos ao goberno de España, que só se falaba do rescate, a quebra e que eramos o enfermo de Europa", indicou Rajoy. "Hoxe iso por fortuna xa non é así. Non foi fácil para ninguén, pero cambiamos as cousas e agora somos un país co maior crecemento de Europa e un millón de españois atoparon posto de traballo", ha destacou.    

Con todo, o presidente do Goberno admitiu que aínda quedan "moitas necesidades por atender" porque quedan "moitas secuelas e moita marxe para mellorar".

 "Agora o que debe importar é o futuro, o que fixemos nestes catro anos está ben, pero só avala o que temos que facer”, puntualizou.




Si desexa facer algún comentario poder enviar un correo a celso.delgado@congreso.es 
Recibirá resposta
Con la tecnología de Blogger.