PGE: comezan as comparecencias dos altos cargos

Mañá comezan as comparecencias no Congreso de altos cargos para expoñer o proxecto de lei de Presupostos Xerais do Estado (PGE) para 2016, que se prolongarán ata o xoves con case 60 intervencións previstas.

O primeiro en comparecer será o Gobernador do Banco de España, Luis Maria Linde ás 9.30 horas coa previsión de que se prolongue durante dúas horas, xa que a mediodía está convocado un Pleno extraordinario do Congreso para debater o acordo do rescate a Grecia.

Pola tarde cando finalice o Pleno, a Comisión de Presupostos recibirá os secretarios de Estado de Presupostos e de Hacienda,Marta Fernández Currás e Miguel Ferre, respectivamente. 

Á vez, están convocadas tamén ao finalizar a sesión plenaria as comisións parlamentarias de Agricultura e de Asuntos Exteriores. Na primeira comparecerán recibirá ao subsecretario de Agricultura; ao secretario xeral de Pesca; ao secretario de Estado de Medio; e ao secretario xeral de Agricultura e Alimentación, por esa orde.

Pola súa banda, a Comisión de Asuntos Exteriores recibirá sucesivamente os secretarios de Estado de Asuntos Exteriores, da UE e para a Cooperación Internacional. Igualmente, está citado o director do Instituto Cervantes, Víctor García de la Concha.

O mércores continuará a tramitación parlamentaria do Proxecto de Lei Presupostos coas comparecencias de Fomento, Interior, Emprego e Presupostos, que recibirá a responsables do Ministerio de Fomento, Economía, de Administracións Públicas, de Xustiza e da Seguridade Social.

O xoves concluirá esta parte do procedemento coas intervencións dos máximos responsables de Presidencia, Defensa, a Axencia Tributaria, Instituto de Crédito Oficial (ICO) e Sociedade Estatal de Participacións Industriais (SEPI), entre outros, así como cos altos cargos dos ministerios de Educación, Industria e Sanidade.