Do aprobado onte no Consello de Ministros destaco os reais
decretos polos que se aproban os convenios entre a Administración Xeral de
Estado e as concesionarias de autoestradas para a posta en marcha do Plan de
desvío voluntario de tráfico pesado das estradas convencionais ás autoestradas
de peaxe.
Unha medida que persegue que os transportistas que usan para a súa actividade
vehículos pesados -de catro ou máis eixes- utilicen as autoestradas de peaxe
alí onde estas sexan unha mellor alternativa á estrada convencional,
ofrecéndolles unha bonificación de ata o 50% por cen da peaxe.
A proba piloto realizarase en seis tramos de estrada, cunha lonxitude total de
318 quilómetros e calcúlase que poderá beneficiar a máis de 1,3 millóns de
vehículos pesados.
Para poder acollerse ás bonificacións os vehículos deben dispoñer de
dispositivo de telepeaxe. Os cálculos realizados polo Ministerio de Fomento
estiman que o aforro de custos dos desvíos alternativos podería alcanzar ao
redor de 53.000 euros diarios, o que representa máis de 7,4 millóns de euros
para a proba piloto que se prolongará durante 5 meses.
Os tramos nos que comezará a aplicarse este plan son
Villalba- Villacastín, Dos Hermanas- Xerez Norte, Lleida- Montblanc, Rubena-Armiñón, Puxeiros-Porriño e León. Campomanes. Todos eles serán
sinalizados axeitadamente no comezo e final do tramo.
No caso do tramo galego de estrada Puxeiros-Porriño, calcúlase que poderá
beneficiar a máis de 278.000 vehículos pesados. O aforro de custo estimado polo
Ministerio de Fomento para este tramo é de 2,26 euros por vehículo e
percorrido. Os transportistas que tomen a alternativa de pagamento aforrarán 6
minutos de condución con respecto aos 13 minutos estimados para o percorrido
pola estrada A-55.
Unha boa iniciativa que agardemos teña bos resultados.
Unha boa iniciativa que agardemos teña bos resultados.
Si desexa facer algún comentario poder enviar un correo a celso.delgado@congreso.es
Recibirá resposta