Acudin hoxe á sesión plenaria da Deputación Provincial de Ourense na
que quedou constituída a nova corporación que presenta unha renovación do 68 %
-a máis importante da historia da institución provincial- con 17 novos
deputados e deputadas. Trala constitución da mesa de idade e comprobación de
credenciais tomaron posesión os 25 deputados e deputadas:
PP: José Manuel Baltar Blanco, Rosendo Luís
Fernández Fernández, Jorge Pumar Tesouro, José Antonio Feijóo Alonso, Pablo
Pérez Pérez, María Consuelo Vispo Seara, Manuel Doval Soto, Antonio Montero
Fernández, Plácido Álvarez Dobaño, Monserrat Lama Novoa, Juan Anta Rodríguez,
Teresa Cerdeira Valiñas, Ana Villarino Pardo e Miguel Antonio Cid Álvarez.
PSOE: Francisco José Fraga Civeira, Vicente
Gómez García, Elvira Lama Fernández, Miguel Bautista Carballo, Isabel Gil
Álvarez, José Ignacio Gómez Pérez, Adolfo González Nóvoa e Susana Rodríguez
Suárez.
DO: Gonzalo Pérez Jácome e Armando Ojea
Bouzo.
BNG: Ramiro Rodríguez Suárez.
Despois tivo lugar a votación resultando elixido presidente Manuel
Baltar Blanco, con 14 votos a favor (os que integran o grupo do Partido Popular), e
obtendo 8 votos José Ignacio Gómez Pérez, candidato á Presidencia polo grupo do
PSOE, e 2 votos Gonzalo Pérez Jácome, do grupo de Democracia Ourensana,
rexistrándose un voto en branco.
Comezou o seu discurso, Manuel Baltar
decindo: “:Son Ourensán e creo en Ourense. Creo de crer e creo de crear, dous
verbos básicos no debuxo da provincia ambiciosa na que vos convido a participar”.
Dixo que “é o momento da
POLITICA con maiúsculas. Para seguir exercitando a palabra clave neste momento
histórico: A COOPERACIÓN.
Cooperación para a recuperación económica, para o fornecemento
social e para a solidez institucional, garante da estabilidade e do progreso.”
Destacou a importancia "de facer máis política para facer
máis Ourense" e "defender leal e contundentemente os intereses de
Ourense por riba da calquera outros", "un Ourense que forma parte
dunha Galicia que será máis forte canto máis fortes sexamos nós".
Avogou por unha nova etapa "de máxima cooperación e
participación", afirmando que os grupos da oposición son "grupos de
alternativa de goberno" e que esta lexislatura "debe estar marcada
pola aposta pola política".
Afirmou que “Practicamos e
defendemos un discurso do territorio, do equilibrio territorial. Pero sen
esquecer que o eixo de toda a nosa acción é o cidadán, as persoas, as veciñas e
veciños da provincia que teñen dereito a servizos públicos de calidade alí onde
residan. As persoas sempre.”
Rematou as suas verbas decindo: “permítanme, para finalizar, que lembre
hoxe aquí as verbas, perfectamente pronunciables hoxe, increíblemente actuais,
publicadas por Antón Losada Diéguez, o xenio de Moldes (Boborás), no seu artigo
"Conversa" do número de A Nosa Terra do Día de Galicia de 1926:
"Cómpre decatarse fondamente de que rematou unha época, e
estamos vivindo outra ben diferente. Non se pode esperar unha volta ao que foi,
porque non pode vir endexamais un tempo igual a outro tempo. Camiñar coa
Historia é camiñar coa vida, e a fecundidade da Tradición, e o espírito da
Patria está nese avantar de cada día e de cada hora.
Non preguntedes a cada un polo seu camiño, falade con el,
aledádevos con el, mais non lle preguntedes ¿que fas? Si ides cara a mesma
ermida, xunto ao altar vos atoparedes".
Si desexa facer algún comentario poder enviar un correo a celso.delgado@congreso.es
Recibirá resposta