 |
| Co deputado Arjum Ram Meghwal |
Encontro que se enmarcou no programa de Líderes Indios que ten como principal obxectivo dar a coñecer unha imaxe actualizada e innovadora da realidade española a cualificados representantes da sociedade india co fin último de incrementar as nosas relacións bilaterais.
Catro deputados españois pertencentes ás Comisións de Fomento, Economía e Exteriores reunímonos con cinco destacados parlamentarios do Parlamento federal de India, formado pola Cámara Baixa (Lok Sabha), e a Cámara Alta (Rajya Sabha).
Tres deles integrados nos dous principais, o Partido do Congreso Nacional Indio, partido populista que foi a forza política máis importante do país dende a Independencia, e o Bharatiya Janata Party (BJP), partido nacionalista hindú actualmente, o do primeiro ministro Narendra Modi. E un representante do All India Trinamool Congress e outro do Biju Janata Dal.
Un dos parlamentarios
asistentes o Sr. Arjum Ram Meghwal,
é o presidente do Comité de Ferrocarrís da Lok Sabha, e iso permitiu falar das
enormes posibilidades de cooperación entre España e India en materia de
infraestruturas e transportes.
De todos é coñecido que a República Federal Democrática de India é máis que un país, se podería dicir que un continente dados a súa fenomenal superficie, 3.287.595 Km 2 e a súa enorme poboación, 1.220.800.359 persoas.
Con cidades xigantescas, como Mumbai (18.400.000 habitantes) ou Nova Delhi (13.800.00), e outras como Calcuta, Chennai (Madrás), Bangalore, Hyderabad, Ahmadabad, Pune, Surat e Jaipur, precisa dun grande investimento en infraestruturas.
O duodécimo plan quinquenal (2012-2017) aprobado polo Goberno indio considera unhas previsións de crecemento próximas ao 9% e un investimento en infraestruturas de 900.000 M€, das que o 50% viría de colaboracións público privadas, fronte ao 30% actual.
Deste modo o investimento en infraestruturas en relación ao total do investimento pasará do 7,5%, no 11º plan quinquenal, ao 9,5%-10%, durante o 12º. Se a traxectoria continuase así, India será o 2º país emerxente que máis invista en infraestruturas por detrás de China.
Citar que a rede de estradas de India é a segunda máis extensa do mundo. Componse de 4,69 millóns de quilómetros, dos cales 79.116 km son autoestradas nacionais, 155.000 km autoestradas xestionadas polos estados e os 4,45 millóns de km restantes son vías secundarias.
 |
| Estación Central Railways de Mumbai |
Neste contexto ábrense grandes oportunidades de traballo e cooperación das
empresas do Grupo Fomento, como ADIF,
RENFE ( por
exemplo lla
participación nos concursos para operar servizos ferroviarios especialmente de
alta velocidade, e a posibilidade de asesorar e asistir aos Ferrocarrís indios
na posta en marcha de novos servizos e na xestión e comercialización destes) AENA ( que ten un
grande interese en establecer unha conexión directa entre España e India, dado
que na actualidade non existe ningunha ruta directa). Interese que mantén Ineco e Portos do
Estado.
Pero aínda mais importantes son os intereses das nosas empresas privadas do
sector da enxeñaría, a construción e a consultoría en materia de
infraestruturas e transporte.
Compañías españolas xa deseñan e constrúen en India tramos de estradas e
autoestradas, liñas ferroviarias, xestionan proxectos
do metro,
subministran e manteñen trens, realizan traballos de electrificación e catenaria,
realizan auditorías de Seguridade, impulsan proxectos de xestión do transporte
público, etc.
Si desexa facer algún comentario poder enviar un correo a celso.delgado@congreso.es
Recibirá resposta
