Estes últimos días vimos escoitando algunhas afirmacións
relativas a que "o próximo mes de xullo o Rexistro Civil será privatizado
e entregado ás mans dos Rexistradores da Propiedade e Mercantís".
Comezaré recordando que o cambio de modelo
de Rexistro Civil no que se está a traballar se acordou xa na pasada
lexislatura a través da Lei 20/2011, que contou co apoio de todos os grupos
parlamentarios. Nesta Lei estableceuse un Rexistro civil electrónico e desxudicializado.
A este respecto quero confirmar o que xa avanzou o
Ministro de Xustiza Rafael
Catalá, no sentido de que o novo Rexistro Civil será
"electrónico, público e gratuíto", e que "todos os trámites que
ata agora eran gratuítos para o cidadán, o van seguir sendo".
Non supoñerá "ningunha privatización do servizo
público", senón que a súa xestión se encomendará aos Rexistradores, que
tamén son funcionarios públicos, e se manterá, en todo caso, a "gratuidade
para o cidadán e a titularidade estatal dos datos rexistrais".
A reforma para a desxudicialización do Rexistro Civil
persegue garantir que este ademais de accesible, sexa de calidade e adaptado á
realidade dos nosos tempos.
Nese sentido, o ministro Catalá hoxe mesmo destacou que a partir
da segunda metade deste ano tampouco será necesario facer cola no Rexistro
Civil porque nin os nacementos nin as defuncións se notificarán xa en persoa.
Será o persoal sanitario quen se encargará de facelo de forma telemática, o que
permitirá un aforro superior aos 64 millóns de euros ao ano, ao eliminarse
850.000 trámites presenciais.
Detrás desta reforma está a constatación de que nos
últimos o Rexistro Civil residenciado
no ámbito xudicial non resolve de modo áxil as peticións e intereses que nel se
tramitan.
Segundo os datos de 2013 do Consello Xeral do Poder
Xudicial, os problemas do Rexistro Civil acumularon o 44% das queixas
presentadas en 2012 contra a Administración de Xustiza, o que reflicte un alto
grao de insatisfacción na percepción que deste servizo público teñen os
cidadáns.
Polo tanto é necesario levar a cabo unha modernización do Rexistro Civil, e iso é o que vai facer o Goberno de Mariano Rajoy.
Polo tanto é necesario levar a cabo unha modernización do Rexistro Civil, e iso é o que vai facer o Goberno de Mariano Rajoy.
Ao ano expídense máis de tres millóns de certificados e
copias dende o Rexistro Civil. A interoperabilidade entre Administracións que
ofrecerá a nova plataforma electrónica servirá para que en torno ao 85% destas
certificacións sexan innecesarias, de forma que os cidadáns non terán que
achegarse fisicamente ao Rexistro para realizar os seus trámites.
Por último, sinalar que o cambio de xestión do Rexistro Civil non levará consigo ningunha redución de emprego público.
Por último, sinalar que o cambio de xestión do Rexistro Civil non levará consigo ningunha redución de emprego público.
Está previsto que
os xuíces, secretarios xudiciais e funcionarios que actualmente se dedican en
exclusiva ou de forma compartida a prestar este servizo pasarán a realizar a
súa actividade no ámbito da función xurisdicional, reforzando así a
Administración de Xustiza, e o Ministerio se comprometerá a manter o emprego
dos funcionarios e interinos adscritos ao territorio que é da súa competencia.
Estes funcionarios serán reasignados a outros centros de traballo.
En definitiva, o Ministerio de Xustiza está a
desenvolver todos os aspectos xurídicos, técnicos e organizativos para a
implantación con plenas garantías do novo rexistro civil electrónico, un dos proxectos
esenciais para a reforma da Administración.
Si desexa facer algún comentario poder enviar un correo a celso.delgado@congreso.es
Recibirá resposta