Tamén
de grande importancia foi a presentación hoxe no Consello de Ministros
pola ministra de Fomento Ana Pastor , do informe sobre o Anteproxecto
de Lei do Sector Ferroviario, que consolida o rigor na planificación e
construción de novas infraestruturas, e propicia a apertura da rede para
potenciar o uso da alta velocidade mediante a mellora da calidade e o aumento
da oferta.
Supón un novo marco xurídico completo aplicable ao sector ferroviario. A
normativa vixente dende 2003 foi obxecto de varias modificacións nos últimos
meses para acometer importantes reformas estruturais. Entre elas, destacan a
integración de Feve en Renfe e ADIF; a división en Renfe en catro sociedades; o
paquete normativo que permitiu iniciar a liberalización dos servizos de
transporte de viaxeiros e a reorganización de ADIF e a creación de ADIF Alta Velocidade.
Ademais,
facíase necesario traspoñer ao ordenamento xurídico español unha Directiva do
21 de novembro de 2012 pola que se establece un espazo ferroviario europeo
único.
A nova norma consolida a reforma emprendida polo Executivo e, ademais, adapta a
normativa á creación da Axencia de Seguridade Ferroviaria, reforzando todos os
mecanismos relativos á seguridade.
O texto reforza os mecanismos para unha planificación rigorosa das
infraestruturas ferroviarias, esixindo que existan as fontes de financiamento
suficientes.
Igualmente,
establécese un novo sistema de canons co obxectivo de incrementar o uso da rede
de ferrocarrís española. Entre outras novidades, destaca a supresión do canon
anual de acceso á rede e a bonificación da posta en marcha de novos servizos
ferroviarios.
Xunto a iso, inclúense novas medidas para mellorar a competitividade do
transporte ferroviario de mercadorías como son:
. O establecemento de medidas liberizadoras dos servizos que se prestan nas
terminais ferroviarias públicas, que supoñerán unha redución de custos
. A imposición de novas condicións de transparencia para a actuación dos
administradores de infraestruturas
. Simplificación do réxime tarifario e das autorizacións necesarias
. A eliminación do canon de acceso supón eliminar unha importante barreira á
entrada
. O impulso do papel dos portos como administradores das infraestruturas
ferroviarias dentro do seu dominio público.
En
materia de transporte de viaxeiros impóñense aos operadores condicións para
garantir un funcionamento transparente do mercado, como son a obriga de achegar
ao Ministerio de Fomento información estatística e contable ou a obriga de
levar contas separadas entre as actividades de mercadorías e viaxeiros, e
dentro dos de viaxeiros, entre os servizos comerciais e os servizos declarados
de obrigas de servizo público.
Por outra parte, o texto inclúe un novo título específico dedicado a seguridade
ferroviaria, que non existe na Lei vixente, e se adapta o seu contido á
creación da nova Axencia de Seguridade Ferroviaria que será independente e non
poderá encomendar funcións dos administradores de infraestruturas, empresas
ferroviarias ou entidade adxudicadora, dotándoa de mecanismos propios de
financiamento, co obxecto de reforzar a súa independencia.
Por último, formúlase un réxime sancionador máis proporcional, reforzando as
sancións sobre dereitos dos pasaxeiros e aspectos relacionados coa seguridade.
A
partir de agora, vaise iniciar un amplo trámite de audiencia pública a todos os
actores do sector (empresas ferroviarias, asociacións, Comisión Nacional dos
Mercados e a Competencia), co obxecto de asegurar o maior consenso posible.
Tras a análise de todas as alegacións recibidas, elaborarase un novo texto que
se remitirá ao Consello de Estado e, a continuación, se elevará ao Consello de
Ministros para a súa aprobación como Proxecto de Lei e a súa remisión ao
Congreso.
Si desexa facer algún comentario poder enviar un correo a celso.delgado@congreso.es
Recibirá resposta
