España rexistra un novo récord con 6,4 millóns de turistas internacionais entre xaneiro e febreiro, un 4,5% máis


Hoxe coñecemos a enquisa Frontur - Movementos Turísticos en Fronteira, que elabora a subdirección xeral de Coñecemento e Estudos Turísticos do Ministerio de Industria, Enerxía e Turismo. E temos que celebrar que España recibiu nos dous primeiros meses do ano 6,5 millóns de turistas internacionais, cun aumento do 4,5%, cifra que marca un novo récord nos rexistros da citada enquisa.


Todos os principais emisores experimentaron crecementos no período. As porcentaxes maiores de suba corresponderon a Italia (20,4%), Estados Unidos (18,7%), Suíza (9,4%), Bélxica (8,6%) e Portugal (8,3%).



Baleares, cunha suba do 20,9%, foi a comunidade coa porcentaxe máis alta de variación entre xaneiro e febreiro, en tanto que Canarias e Cataluña, que foron as que recibiron maior volume de turistas, subiron un 2,1% e 3,3% respectivamente.

En febreiro, 3,3 millóns de turistas internacionais chegaron a España, o que supón unha variación anual do 5,3%. Italia, cunha subida do 20,5%, Suíza, co 13,5% e Estados Unidos co 12,3%, foron as porcentaxes máis destacadas do mes.


O Reino Unido emitiu 1.219.499 turistas e mantivo a súa histórica primeira posición entre xaneiro e febreiro, cunha suba do 2,7% e o 18,9% do total. En febreiro, foron 640.202 os británicos que viñeron a España, cunha suba do 0,7%, conservando igualmente a primeira posición e a porcentaxe maior sobre o total, o 19,5%. Aumentaron especialmente os que optaron por viaxar sen paquete turístico.


Canarias foi a comunidade que máis turistas recibiu entre xaneiro e febreiro, 2.044.029 chegadas, cun aumento do 2,1% e o 31,7% sobre o total. No mes, tamén foi Canarias a comunidade con maior número de chegadas, 1.008.599 de turistas, un 1% máis e a participación máis alta sobre o total, o 30,7%. O Reino Unido e Alemaña creceron, pero o aumento maior correspondeu a Francia, cun 37,7% de avance.



Cataluña recibiu 1.594.677 turistas, un 3,3% máis nos dous primeiros meses de 2015, co que chegou ao 24,7% do total. En febreiro, foron 847.730 os turistas nesa comunidade, un 5% máis, o que representou o 25,8% do total. Foron sobre todo británicos e italianos os que elixiron ese destino, en tanto que os asiáticos subiron un 9,8%.

Andalucía con 787.101 turistas, foi no período considerado a segunda comunidade que máis creceu, o 11,7%, participando co 12,2% no total.


Si desexa facer algún comentario poder enviar un correo a celso.delgado@congreso.es 
Recibirá resposta


Con la tecnología de Blogger.