Cúmprese así cun compromiso asumido atendendo as demandas do sector pesqueiro e
marisqueiro, e de xeito especial cúmprese cunha reiterada petición e un
traballo rigoroso formulado pola conselleira
do Mar da Xunta
de Galicia, Rosa Quintana.
É de xustiza recoñecer o traballo despregado no Congreso polo deputado lucense
e voceiro de pesca do GPP, Joaquin García Díez que
xa en novembro de 2012, tivo a ocasión de defender unha PNL formulada para perseguir aos que
esquilman o mar e protexer aos que se gañan a vida honradamente coa práctica do
marisqueo.
Sempre defendendo que había que penar os que,
aproveitando a vulnerabilidade das sancións administrativas, tiraban proveito
económico devastando os recursos marisqueiros. Unhas actuacións irregulares que
lastraban a propia capacidade de xestión e ordenación dos recursos e supoñía,
en moitas ocasións, un problema adicional relacionado coa falta de control
sanitario.
Coa aprobación no Pleno de onte no Congreso dos Deputados do proxecto de Lei
Orgánica polo que se modifica a Lei do Código Penal, dáse satisfacción a esa
vella reivindicación do GPP
e cúmprese coa petición do sector marisqueiro e do Goberno galego, que defende
os intereses da Comunidade Autónoma de Galicia, a máis afectada pola práctica
desta actividade, con máis de 1.200 Km de costa.
É necesario
recordar a importancia do marisqueo
en Galicia, cunha ocupación de aproximadamente 5.000 persoas entre mariscadores
a flote e a pé, das que 4.000 son mulleres, e cunha produción que rolda as
10.000 toneladas ao ano cun valor aproximado de 75 millóns de euros. "A
falta de escrúpulos e de respecto á Lei que practica un 1% pon en risco o medio
de vida do 99% de mariscadoras e mariscadores"
Coa aprobación desta modificación no Código Penal, mediante a reforma do seu
artigo 335, considérase o furtivismo no marisqueo como falta, chegando a
considerala delito cando poña en risco a sostibilidade dos recursos, con penas
de entre seis meses e dous anos de prisión en función da gravidade do feito.
Parabens a Joaquín García Díez,
e aos demais parlamentarios galegos que no Congreso e o Senado se ocuparon de
impulsar este necesario cambio lexislativo.
Si desexa facer algún comentario poder enviar un correo a celso.delgado@congreso.es
Recibirá resposta