martes, 9 de diciembre de 2014

Unha sentenza do Tribunal da Unión Europea garante a seguridade xurídica e a vixencia do actual sistema de 'tax lease'.

Hoxe coñecemos unha excelente noticia para os estaleiros españois e en especial para os galegos xa que o Tribunal da Unión Europea rexeitou, o recurso dos estaleiros holandeses para que a Comisión Europea abrise un procedemento de investigación sobre a amortización anticipada para o financiamento de activos (aplicable a buques), que fora autorizada pola Comisión Europea o 20 de novembro de 2012. Esta decisión foi recorrida o pasado 8 de marzo de 2013 pola asociación de estaleiros holandeses (Netherland Maritime Association).
Deste modo o Tribunal da UE ratifica o sistema de 'tax lease' español actualmente en vigor, frustrando a vontade dos estaleiros holandeses de alterar a libre competencia comercial no sector naval europeo.
Recordemos que o Goberno de España aprobou hai dous anos este novo sistema, froito dun traballo conxunto con outras administracións e co propio sector, nunha acción que resultou de vital importancia para afianzar a confianza na construción naval española.
A sentenza dá a razón á Comisión Europea e afianza a posición dos estaleiros españois ante armadores, entidades financeiras e investidores. Alcanzamos así un sistema estable e seguro, xerador de confianza e, ademais, o único en Europa que ten o total respaldo da Comisión.

Ata a data formalizáronse un total de 12 estruturas co novo sistema de tax lease, para contratos que no seu conxunto suman máis de 309 millóns de euros e son xeradores de aproximadamente 1.370.000 horas de traballo. Ata o momento, en todos elas están a participar como investidores empresas españolas de primeiro nivel. 
Así mesmo, espérase que a todos estes datos se engadan en breve os de novos contratos cuxas estruturas de tax lease están actualmente a ser obxecto de negociación por parte dos estaleiros.

Si desexa facer algún comentario poder enviar un correo a celso.delgado@congreso.es 
Recibirá resposta