PXE 2015: Ourense recibe un investimento de 643,3 millóns de euros

Tamén hoxe me ocupei de analizar os investimentos que comprende o proxecto de lei de Presupostos Xerais do Estado para 2015 en relación coa provincia de Ourense.

E vexo que manteñen o compromiso coa provincia, posto que recibirá un investimento do Estado de 643,3 millóns de euros (27,5 millóns corresponden aos ministerios e 616,05 ás sociedades). Unha cifra é superior á do PXE de 2014, no que o investimento consignado foi de 610,89 millóns.



Un ano máis o ministerio máis investidor na provincia é o de Fomento, dirixido por Ana Pastor.

O investimento conxunto do grupo Fomento ascende a 605 millóns de euros na provincia de Ourense (un 2,4% máis que o ano pasado) e dentro dela hai que subliñar os investimentos en Alta Velocidade para a liña Lubián-Ourense, para a que se consignan 578,16 millóns de euros dentro da partida de Adif alta velocidade. 

Adif tamén dedica á rede convencional de ferrocarrís na provincia un total de 2,09 millóns de euros, mentres que Renfe investirá 2,02 millóns de euros máis en distintas actuacións.

Certamente hai que estar satisfeitos por que Ourense sexa a provincia española que maior investimento de Fomento recibe en ferrocarrís, 593,99 millóns de euros, un 448,7% por enriba da media nacional.

En materia de estradas, hai 5,7 millóns destinados a conservación e 1,8 a seguridade vial. SEITSA inclúe tamén 1,7 millóns máis para rehabilitación e reparación de firmes en á-52 e noutras vías.

Os investimentos en estradas permiten relanzar proxectos importantes na provincia. 

Á-76 Ourense-Ponferrada recibe, para a redacción dos proxectos do tramo A Veiga de Cascallá-O Barco Leste, a cantidade de 303, 67 millóns e os PGE inclúen, por primeira vez, unha partida de 60.000 euros para outro ltreito desta autovía, o Requejo-A Veiga de Cascallá. Esta mesma autovía, na provincia de León, tamén ten consignada unha partida de 543.000 euros.

Os PXE do 2015 inclúen tamén 300.000 euros para os tres tramos ourensans da A-56 (Ourense-Guntín) e como gran novidade sinalar que hai unha partida de 5 millóns de euros para o tramo San Martiño-Barrela Norte, na provincia de Lugo pero moi preto de Ourense, que permitirá retomar as obras desta infraestrutura paralizadas dende o 2010.

Para o enlace da Rúa coa N-120 figuran 705.000 euros nos PXE e para a circunvalación do Barco hai 300.000 máis.

A Dirección Xeral de Arquitectura inclúe tamén unha partida de 205.000 euros para a Praza de Abastos da Ponte.



O Ministerio de Agricultura, Alimentación e Medio Ambiente tamén dedica un importante investimento á provincia de Ourense. A través da Sociedade de Augas das Concas de España (ACUAES) consigna 27,5 millóns para a EDAR de Ourense e 3,9 millóns máis para o abastecemento de auga da capital.

Pola súa banda, a Confederación Hidrográfica do Miño-Sil destina 9,1 millóns de euros do seu presuposto a Ourense e a do Douro 865.000 euros máis.


O Ministerio de Educación, Cultura e Deporte investirá en Ourense 6,15 millóns de euros dos que 3 millóns son para a Biblioteca, 3 millóns para o Arquivo Provincial e 150 mil para o Museo Arqueolóxico.





Si desexa facer algún comentario poder enviar un correo a celso.delgado@congreso.es 
Recibirá resposta
Con la tecnología de Blogger.