Onte en Santiago de Compostela tivo lugar o acto da firma
do Convenio para a execución do Plan Estatal de Fomento do aluguer de Vivendas,
a rehabilitación edificatoria, e a rexeneración e renovación urbanas 2013-2016,
subscrito pola ministra de Fomento, Ana Pastor e o presidente da Xunta de
Galicia, Alberto Núñez Feijóo.
A través deste convenio, transferiranse dende o presuposto do Ministerio de Fomento á Comunidade Autónoma de Galicia, 35 millóns de euros polas subvencións previstas no Plan, ao que hai que sumar as cantidades destinadas ás subsidiacións de préstamos de vivenda a residentes nesta Comunidade e outras subvencións correspondentes ao período de transición entre os plans anteriores e o novo. Todo iso supón un investimento total por parte do Ministerio de 128,3 millóns de euros.
A través deste convenio, transferiranse dende o presuposto do Ministerio de Fomento á Comunidade Autónoma de Galicia, 35 millóns de euros polas subvencións previstas no Plan, ao que hai que sumar as cantidades destinadas ás subsidiacións de préstamos de vivenda a residentes nesta Comunidade e outras subvencións correspondentes ao período de transición entre os plans anteriores e o novo. Todo iso supón un investimento total por parte do Ministerio de 128,3 millóns de euros.
Ao investimento que destina Fomento a este Plan, que considera axudas ao aluguer, á rehabilitación de vivendas e á subsidiación de préstamos hipotecarios, hai que engadir a achega da Comunidade Autónoma.
A partir deste investimento prevese que a participación do sector privado nas áreas de rehabilitación de edificios, rexeneración e renovación urbanas ascenda a 48 millóns de euros, o que podería xerar ao redor de 1.400 postos de traballo en tres anos na nosa Comunidade.
Programas:
O Plan Estatal da Vivenda contempla sete programas:
O Plan Estatal da Vivenda contempla sete programas:
- Programa de subsidiación de préstamos convidos:
A subsidiación é unha axuda que se desconta da cota do préstamo hipotecario. Mantéñense as axudas de subsidiación concedidas en aplicación de plans de vivenda anteriores, para axudar aos debedores hipotecarios con menos recursos a facer fronte ás obrigas dos seus préstamos.
- Programa de axuda ao aluguer: O obxectivo deste programa é facilitar o acceso e a permanencia nunha vivenda en réxime de aluguer a sectores de poboación que teñan dificultades económicas. Como beneficiarios figuran as persoas físicas maiores de idade cun límite de ingresos inferior a 3 veces o IPREM (22.365,42 €), modulable segundo o n.º de membros e composición da unidade de convivencia, o que asegura que accedan á axuda as familias máis necesitadas. O aluguer mensual debe ser igual ou inferior a 600 €. As axudas serán de ata o 40% da renda do aluguer, cun límite de 2.400 € anuais por vivenda e un prazo máximo de 12 meses prorrogable ata o final do Plan. Terán preferencia as persoas afectadas nos procedementos de desafiuzamentos.
- Programa de fomento do parque público de vivenda en
aluguer: Este programa ten por obxecto a creación dun parque público de vivenda
protexida para aluguer sobre chans ou edificios de titularidade pública. Como
beneficiarios figuran as Administracións públicas, organismos públicos,
fundacións e asociacións declaradas de utilidade pública, ONG e empresas
privadas con dereito de superficie. As axudas alcanzarán un máximo de 250 € por
m2 útil da vivenda en proporción á superficie desta, de ata o 30% do custo da
edificación cun límite máximo de 22.500 € por vivenda. Dentro do programa
figuran vivendas de aluguer en rotación: para unidades de convivencia con
rendas ata 1,2 (8.946,17 €) veces o IPREM. O prezo do aluguer non poderá
superar 4,7 € mensuales/m2 útil; e vivendas de aluguer protexido: para unidades
de convivencia con ingresos entre 1, 2 e 3 veces o IPREM (entre 8.946,17 e
22.365,42 €). O prezo do aluguer non poderá superar 6 € mensuais/m2 útil. Polo
menos o 50% teñen de ser vivendas de aluguer en rotación.
- Programa de fomento da rehabilitación edificatoria: Este
programa está orientado ao impulso das actuacións de intervención en edificios
e instalacións para mellorar o seu estado de conservación, garantir a
accesibilidade e mellorar a eficiencia enerxética. Os inmobles deberán ter unha
antigüidade anterior a 1981 e polo menos o 70% da súa superficie debe ter uso
residencial de vivenda e constituír o domicilio habitual dos seus propietarios
ou arrendatarios. Como beneficiarios figuran comunidades de propietarios,
agrupacións de comunidades ou propietarios únicos de edificios de vivendas. As
axudas serán de ata 4.000 € por vivenda para conservación; ata 2.000 € por
vivenda para mellora da eficiencia enerxética (5.000 € se se reduce nun 50% a
demanda enerxética do edificio); ata 4.000 € por vivenda para mellora de
accesibilidade. A contía non poderá superar o 35% do presuposto;
excepcionalmente no caso de mellora da accesibilidade o 50% e en todo caso
11.000 € como máximo por vivenda.
- Programa de fomento da rexeneración e renovación urbana:
O obxectivo deste programa é o financiamento da realización conxunta de obras
de rehabilitación en edificios e vivendas, de urbanización ou reurbanización do
espazo público ou de edificación en substitución de edificios demolidos, dentro
dun ámbito delimitado: mínimo 100 vivendas, salvo excepcións (Ej: cascos
históricos ou núcleos rurais). Poderán beneficiarse deste os que asuman a
responsabilidade da execución integral do ámbito de actuación: Administracións
Públicas, comunidades de propietarios, agrupacións de comunidades, consorcios,
entes ou empresas privadas. As axudas serán un máximo do 35% do presuposto, cun
tope de:
. Ata 11.000 € por vivenda rehabilitada.
. Ata 30.000 € por vivenda construída en substitución doutra demolida.
. Ata 2.000 € por vivenda para a obra de urbanización.
Poderanse engadir 4.000 € anuais (máximo 3 anos) por unidade de convivencia a realoxar.
- Programa de implantación do informe de avaliación de
edificios: O IAE é un informe regulado na Lei 8/2013, do 26 de xuño que analiza o estado
de conservación, accesibilidade e a eficiencia enerxética do edificio. O
obxecto deste programa é dar un impulso á implantación e xeneralización dun
Informe de avaliación dos edificios (IAE) que inclúa a análise das condicións
de accesibilidade, eficiencia enerxética e estado de conservación, mediante
unha subvención que cubra parte dos gastos dos honorarios profesionais pola súa
emisión. Poderán beneficiarse deste comunidades de veciños, agrupacións de
comunidades ou propietarios únicos que realicen o informe de avaliación antes
de que finalice o ano 2016. Concederase unha axuda de 20 € por vivenda cun
máximo de 500 € por edificio e do 50% do custo do informe do edificio.
- Programa de fomento de cidades sostibles e competitivas:
Este programa ten por obxecto o financiamento da execución de proxectos de especial transcendencia: Mellora de barrios, Centros e Cascos históricos, substitución de infraviviendas, Eco-barrios e zonas turísticas. Como beneficiarios figuran as administracións públicas territoriais, propietarios de edificios de vivendas, comunidades de propietarios, consorcios, entes asociativos de xestión.
- Programa de fomento de cidades sostibles e competitivas:
Este programa ten por obxecto o financiamento da execución de proxectos de especial transcendencia: Mellora de barrios, Centros e Cascos históricos, substitución de infraviviendas, Eco-barrios e zonas turísticas. Como beneficiarios figuran as administracións públicas territoriais, propietarios de edificios de vivendas, comunidades de propietarios, consorcios, entes asociativos de xestión.
Na rolda de prensa posterior, o presidente da Xunta,
Alberto Núñez Feijóo, afirmou que este proxecto está caracterizado polo seu
compromiso e sensibilidade coa situación actual, así como pola súa orientación
cara a un futuro racional e sustentable nesta materia, e coincide así cos
grandes eixes da política de vivenda que vén desenvolvendo a Xunta.
Ademais, o presidente galego subliñou que o Plan estatal
de vivenda contén un compromiso co futuro, porque fomenta a rehabilitación como
fórmula para garantir edificios ben conservados, máis seguros e eficientes, así
como cidades e barrios máis sustentables. Dese xeito, ademais, sinalou,
garántese unha alternativa para o sector da construción, duramente afectado
pola crise.
O titular da Xunta apuntou que o Goberno galego deposita
altas expectativas na nova fase do Plan de Vivenda porque conta co aval dos bos
resultados da primeira fase: 70% cumprido no que a alugamento se refire e 90%
no caso da rehabilitación.
Por ese motivo, explicou que a Administración autonómica
realizou xa un traballo de preparación previo, aprobando hai meses o decreto
necesario para comezar a aplicar o plan en canto estivese asinado o convenio.
Así, informou de que a Xunta ten xa redactadas e en tramitación para seren
publicadas en canto se cumprimenten os pasos legais necesarios.
Remarcou que desde o ano 2009 o Goberno galego investiu 76
millóns de euros en rehabilitación. E, nesta estratexia, afirmou que a Xunta
seguirá a dar prioridade á rehabilitación de vivendas no rural e de vivendas e
edificios emprazados en núcleos históricos galegos.
Así mesmo, engadiu que está previsto dar continuidade á
liña de adquisición de vivendas para a súa rehabilitación e posterior
cualificación como de promoción pública para destinala á poboación con menos
recursos, algo no que a Xunta xa investiu máis de 10 millóns de euros desde 2009.
Feijóo avanzou, ademais, que o convenio asinado co
Ministerio permitirá continuar impulsando as áreas de rehabilitación, un ámbito
no que Galicia é pioneira coa declaración das primeiras áreas de rehabilitación
que existiron en España. Na actualidade, detallou, existen 57 áreas de
rehabilitación declaradas en Galicia, das que 56 se encontran en 38 concellos e
outra corresponde aos municipios do Camiño, co que o total de localidades
afectadas é de 107.
Noraboa a ministra Ana Pastor e aoo presidente Feijóo polo impulso dado a unha política social de auténtica necesidade como é a de vivenda.
Recibirá resposta
