Onte o ministro de Economía e
Competitividade, Luis de
Guindos, destacou nunha intervención nun acto público que "a
recuperación da economía española está en marcha", tras corrixir os
desequilibrios acumulados durante a expansión económica. O crecemento económico
estase a acelerar, cara a taxas anuais "próximas ao 1,5%", explicou.
Na súa opinión, esta mellora débese a que
España é hoxe unha economía competitiva e a que se disiparon por completo as
dúbidas sobre o futuro do euro, un proceso no que resultou crave a posta en
marcha da Unión Bancaria.
De Guindos subliñou que xa se acumulan
catro trimestres de crecemento e que este será o primeiro ano en que o PIB rexistrará unha
taxa anual positiva dende que se iniciou a crise.
Segundo os indicadores adiantados e as estimacións
do Ministerio de Economía, o ritmo de crecemento no segundo trimestre do ano
será maior que o do primeiro. Apuntou que esta mellora se debe a unha
recuperación da demanda doméstica, tanto do consumo das familias coma do
investimento en bens de equipo, e á maior dispoñibilidade de crédito novo.
En canto ao mercado laboral,
subliñou que a economía xa está xerando emprego neto e que, grazas ás reformas
estruturais, España o consegue con taxas de crecemento máis baixas que no
pasado.
Malia estas melloras, apuntou que "quedan importantes
retos por diante". Sinalou que "é importante continuar coa
consolidación fiscal".
Tamén destacou que o Goberno segue traballando en reformas
como a fiscal, que ten como obxectivo "establecer os incentivos a medio e
longo prazo para o crecemento da economía"; incentivos relacionados co
aforro, o traballo e o investimento. Concluíu que "España é un gran país,
con capacidade de innovar e competir no exterior, polo que ten un futuro
prometedor."
Nesta liña de optimismo pronunciouse onte Madrid na conferencia inaugural do curso de Economía do Campus FAES 2014. o ministro federal de Finanzas de Alemaña, Wolfgang Schäuble, afirmando que "non" hai alternativa entre reducir o endebedamento e impulsar o crecemento" e diso "España foi un exemplo estes dous últimos anos".
Nesta liña de optimismo pronunciouse onte Madrid na conferencia inaugural do curso de Economía do Campus FAES 2014. o ministro federal de Finanzas de Alemaña, Wolfgang Schäuble, afirmando que "non" hai alternativa entre reducir o endebedamento e impulsar o crecemento" e diso "España foi un exemplo estes dous últimos anos".
Si desexa facer algún comentario poder enviar un correo a celso.delgado@congreso.es
Recibirá resposta.
